२०७८ आश्विन ११, सोमबार ०१:३८ बजे
काठमाडौं । इण्डियन प्रिमियर लिग क्रिकेट (आईपीएल)मा रोयल च्यालेन्जर्स बेङ्ग्लोरले मुम्बई इण्डियनलाई हराएको छ ।
आइतबार दुबईमा भएको खेलमा बैंगलोरले साविक विजेता मुम्बईलाई ५४ रनले हराएको हो ।
बेङ्ग्लोरले दिएको १ सय ६६ रनको लक्ष्यसहित जवाफी ब्याटिङ गरेको मुम्बई १८ ओभर १ बलमा अलआउट हुँदै मात्र १ सय ११ रनमा समेटियो ।
मुम्बईका लागि कप्तान रोहित शर्माले सर्वाधिक ४३ रन बनाए।
बैंगलोरका हर्सल पटेलले ह्याट्रिकसहित ४ विकेट लिए । उनले १६ ओभरको पहिलो, दोस्रो र तेस्रो बलमा ह्याट्रिक पूरा गरेका थिए ।
युजभेन्द्र चाहलले ३ तथा ग्लेन म्याक्सवेलले २ विकेट लिए ।
यसअघि पहिले ब्याटिङ गरेको बेङ्ग्लोरले २० ओभरमा ६ विकेट गुमाएर १ सय ६५ रन जोडेको थियो । बैंगलोरका ग्लेन म्याक्सवेलले ५६ तथा कप्तान विराट कोहलीले ५१ रनको अर्धशतकीय इनिङ्स खेले ।
मुम्बईका जस्प्रित बुम्राहले ३ विकेट लिए ।
यस जितसँगै बैंगलोरले १० खेलमा १२ अंक जोड्दै तेस्रो स्थानमा रहेको छ । पराजित मुम्बई ८ अंक जोडेर सातौं स्थानमा खुम्चिएको छ।
प्रतिक्रिया
