२०७८ श्रावण ३०, शनिबार १४:०४ बजे
बिरगंज , ३० साउन । बिरगंज साहित्य अनुरागीहरु समूह प्रभात काव्य यात्राको आयोजनामा साहित्य वाचन कार्यक्रम सम्पन्न भएको छ।
वरिष्ठ पत्रकार जगदिश शर्माको अगुवाईमा सन्चालित कार्यक्रममा पर्सा प्रहरी प्रमुख बेल बहादुर पाण्डे, बिरगंज भन्सार प्रमुख हरिहर पौडेल, उपन्यासकार गणेश लाठ, युवा सहित्यकार दिलिप राज कार्कि,प्रिया मिश्रा,सुर्य बि.क.,कलाकार अजमत अलि, गिता भन्डारी,सुरज सरार्फ , पत्रकार रितेश त्रिपाठी,लगायतले आफ्ना शृजना वाचन गरेका थिए ।
यस प्रभात यात्राले प्रत्येक महिनाको अन्तिम शनिवार साहित्यकारको अग्रसरता साहित्यिक कार्यक्रम हुने र यसले बिरगंजमा रहेको साहित्य रुचिलाई प्रस्तुत गर्ने गराउने र अन्य नयाँ साहित्यकारलाइ मंच प्रदान गर्ने उदेश्य बोकेको छ।अगामी दिनहरुमा बिरगंजमा रहेको सरकारी कर्मचारी,विद्यार्थी,गृहणी लगायतमा रहेका साहित्य रुचि राख्नेलाई जोड्दै जाने युवा गजलकार दिलिप राज कार्कीले पर्सा पोस्टलाई बताउनु भयो।
