अपडेट 
६ महिनामा २ सय बढी शिक्षकले गरे राजीनामा | लागूऔषध कारोबार आरोपमा सहायक हवल्दार पक्राउ | शहिदनगरको एक विद्यालयका प्र.अ लाई अभिभावकले दले कालोमोसो | पटेर्वासुगौली-४ मा सिकाई निरन्तरता अभियान पढाई मेला सम्पन्न। | पोखरिया नगरपालिका-९ सेमबारी बैरियामा निशुल्क आखा सिविर सम्पन | गृहमन्त्री लामिछाने भन्छन्- सबै ‘फरार’ समातिन्छन्,धुलो धेरै छ, पुरानो छ तर,थोरै पर्खिनु पर्छ | सशस्त्रका ९७ एसपीको सरुवा , पर्सामा सुमन थपलिया र बारामा टोप बहादुर डाँगी आउदै । | सरकारी मोटरसाईकलको चरम दुरुपयोग, ससुराली जानदेखि भारतमा तरकारी किन्नसम्म | धोबिनी गाउँपालिका वडा नं ४ मा सामाजिक सुरक्षाभत्ता वितरण गराउदै,वडाअध्यक्ष- अबास मिया | धोबिनी गापाको स्वास्थ्य संस्थामा सिटामोल नरहेको कारण बिरामी रितो हाथ फर्कन बाध्य |
२०७८ श्रावण ३२, सोमबार ०५:४१ बजे

समीर अली बेहना – बाँके, ३१ साउन । भारतीय स्वतन्त्रता दिवसको अवसरमा मरकजे अहले सुन्नतद्वारा स्थापन गरिएको जामिया मञ्जरे ईस्लाम बरेली शरीफद्वारा सुभकामना सहितको ध्वजा फहराउने कार्यक्रम सम्पन्न गरिएको छ ।

जामिया मञ्जरे ईस्लाम एउटा शैक्षिक संस्था रहेकोले यस विद्यालयमा नेपालबाट समेत विद्यार्थीहरु अध्ययन गर्न पुग्ने गरेको छन् । मञ्जरे ईस्लाम बरेली शरीफद्वारा आयोजना गरिएको स्वतन्त्रता दिवसको कार्यक्रममा नेपालको अछुतो र अनौठो योगदानलाई बिर्सन नसक्ने बताइएको छ ।

आइतबार गरिएको स्वतन्त्रता दिवस कार्यक्रममा मुफ्ती सलीम नुरीले भारतको स्वतन्त्रता दिवसको अवसरमा नेपालले भारतलाई स्वतन्त्र बनाउन ठुलो भुमिका खेलेको जिकिर गर्नु भयो । उहाँ भन्नु भयो , नेपाल मध्य एसियाको एउटा त्यस्तो देश हो जसलाई ब्रीटिस सरकारले कहिले गुलाम बनाउन सकेन ।

भारतमा ब्रीटिस शासनको अवधी भारतीय नागरिकहरु माथी भैरहेको अत्याचारको बेला भारतीय स्वतन्त्रता सेनानीहरुलाई नेपालले जोगाएको थियो । अत्याचारको त्यो समय अवधिमा छिमेकी राष्ट्र नेपालले धेरै सहयोग गर्दै आएको थियो । त्यस्तो दु:खद परिस्थितिमा समेत भारतीय नागरिकहरुलाई विभिन्न सेवा सुबिधाहरु नेपालले उपलब्ध गरी मानवता देखाउँदै एउटा असल छिमेकी भएको अनुभुती गराएको थियो ।

नेपाली इतिहासकारहरुले विभिन्न किताबहरुमा उल्लेख गरेको कुरा समेत उहाँले आफ्नो मन्तव्य र प्रेस बिज्ञाप्तीमा जिकिर गर्नु भएको छ । जामिया मञ्जरे ईस्लामद्वारा जारी गरिएको प्रेस विज्ञाप्तीमा नेपालले भारतलाई स्वतन्त्र बनाउन सेना सहितको सहयोग गरेको उल्लेख गरिएको छ । नुरीको अनुसार भारतमा जारी स्वतन्त्रता संघर्षको त्यो अवधिमा भारतीय नागरिकहरुले आफूलाई सुरक्षीत राख्न नेपालमा शरण लिएका थिए ।

भारत स्वतन्त्र भएपछि नागरिकहरु स्वदेश फिर्ता भएपनि नेपालको त्यो सहयोग भारतीय नागरिकहरुले कहिले बिर्सन नसक्ने उहाँले बताउनु भयो । नेपाल र भारतको राजनीतिक र धार्मिक दुबै सम्बन्ध असल रहेकोले दुबै देशका नागरिकहरु बीच संधै भाईचारा कायम रहयो । १५ अगस्टको दिन भारतमा मनाइने स्वतन्त्रता दिवसको अवसरमा भारतीय र नेपाली नागरिक दुबैलाई जामिया मञ्जरे ईस्लामद्वारा शुभकामना व्यक्त गरिएको छ ।

यो दिन भारतले ब्रीटिस शासन अन्त्य गरेको खुशीमा मनाउने गरेको छ । ब्यापार गर्न प्रवेश गरेको ब्रीटिसहरु २ सय वर्षसम्म भारतमा शासन गरेपछि । मौलाना शौकत अली जौहरले दिएको मुल नारा ` सर्फरोसी कि तमन्ना अब हमारे दिल मे है , देख्न है जोर कित्न बाजु-ए कातिल मे है´ लाई आधार बनाइ महात्मा गाँधी र अन्य सेनानीहरुले स्वतन्त्रताको आवाज उठाएका थिए ।

विश्व जगतमा महात्मा गाँधीले स्वतन्त्रताको अभियान चलाएको भन्ने कुरा जागजाहेर भएपनि इतिहासकारहरुले महात्मा गाँधी भन्दा पहिला पनि आवाज उठाउने सेनानीहरुको नाम उल्लेख गरेका छन् । सर्व प्रथम मौलाना शौकत अली जौहरले नारा सहित ब्रीटिस सरकारको खिलाफ आवाज उठाएको लेखेका छन् ।

प्रतिक्रिया

सम्बन्धित खवर

ताजा समाचार

लोकप्रिय