अपडेट 
गृहमन्त्री लामिछानेविरुद्धको रिटमा आज सुनुवाइ | मधेस प्रदेश : एमाले र माओवादीका मन्त्रीले अझै छाडेनन् ‘मन्त्री निवास’ | प्रदेश नीति तथा योजना आयोगका उपाध्यक्ष बिश्वकर्मा सम्मानीत | समाजवादी प्रेस संगठनद्वारा पत्रकार महासंघ पर्सा शाखा पनि तालाबन्दी | सामाजिक सञ्जालमा चरित्र हत्या गर्ने रन्जित चौरसियालाई पक्राउ गर्न आदेश | श्रृङखलाबद्ध अपराधमा संलग्न एक कुख्यात अभियुक्त ३० वर्षपछि पक्राउ | मन्त्री छोडेको आठ दिन बित्यो, यादवले छोडेनन् मन्त्रीको सुविधा ! | छिपहरमाईमा करेन्ट लागेर एक जनाको मृत्यु | पाेखरियामा याेजना शाखा प्रमुख पाण्डेकाे हालीमुहाली, याेजना बिक्री गर्दै | उपेन्द्र आउट भएपछि स्वास्थ्यमन्त्रीमा प्रदीप यादव, रञ्जु ठाकुर र हसिना खान पनि मन्त्री बन्ने |
२०७८ भाद्र १८, शुक्रबार १६:५७ बजे

बिरगंज , १८ भदौ । नेपालको मुख्य प्रवेशद्वारा मुलुकको प्रमुख भन्सार नाका वीरगंज–रक्सौलको मितेरी पुलको मर्मत कार्य सुरु भएको छ ।

बीरगंजस्थित भारतीय महावाणिज्य दूतावासको पहलमा ग्रिन सिटी सामुदायिक सेवा केन्द्र,वीरगंज महानगरपालिका, स्थानीय प्रहरी प्रशासनको सक्रियतामा मितेरी पुलको मर्मत तथा जीर्ण सडक निर्माण सुरु भएको ग्रिनसिटि सामुदायिक सेवा केन्द्र आदर्शनगरका अध्यक्ष प्रकाश खेतानले  बताउनुभयो ।

रातिको समयमा काम तीव्र रुपमा भई रहेको र पुल क्षेत्रको काम १- २ दिन भित्रैमा सम्पन्न हुने गरी निर्माण कार्य अगाडी बढेको समेत खेतानले बताए ।

भारतीय सरकार मातहतको पथ निर्माण विभागले १०६ मिटर लम्बाइको मितेरी पुल मर्मत कार्य सुरु गरेपछि नेपाल तर्फको सडक खण्ड पनि मर्मत गरिने भएको छ ।

वीरगंज–रक्सौल नाकालाई सौन्दर्यीकरण गर्ने अभियानका सहभागीहरूले चासो देखाएपछि उक्त पुलको मर्मत कार्यले गति लिएको छ ।

नेपाल भारत सीमामा रहेको मितेरी पुल लामो समयदेखि खाल्डा खुल्डीमा परिणत भएपछि सयौँ यात्रुलाई आवागमनमा समस्या हुँदै आएको र यसको मर्मत गरी नाकाको पुललाई समेत सिँगार्ने अभियानमा आफूहरू जुटेको केन्द्रका अध्यक्ष खेतानले बताउनुभयो ।

सन् १९९४ मा भारत सरकारको नेशनल हाइवेले उक्त पुल निर्माण गरेको थियो । तर पुलको आधा हिस्सा दशगजा क्षेत्रमा पर्ने भएकोले दुवै देशको सरकार तथा स्थानीय सरकारहरू मर्मत–सम्भार गर्न हच्किँदै आएका थिए ।

सो बाटो भएर अहिले पनि नेपाली उद्योगको लागि कोइला, जिप्सन, क्लिकर, फलाम लगायत औद्योगिक कच्चा पदार्थ रक्सौल रेल्वे यार्डबाट नेपाल भित्रिन गरेको छ भने सयौँ पैदल यात्री, मोटरसाइकल तथा हलुका सवारी सधान, रिक्सा, टाँगालगायत आउजाउ हुने गरेको छ ।

नेपालको प्रमुख नाकाको रुपमा रहेको वीरगंज रक्सौल नाकाको सिमानामा पर्ने मितेरी पुल जीर्ण हुँदा सीमा क्षेत्रैबाट नेपाल प्रवेश गर्ने भारतीय पर्यटकहरूलाई सुन्दर शान्त नेपालको बारेमा भ्रम पर्ने भएको हुँदा नेपाल प्रवेश गर्ने नाकालाई धुवा धुलो तथा फोहोर, प्रदूषणबाट मुक्त गर्दै व्यवस्थित सडकसहित भारतीय पर्यटकलाई आकर्षित गर्न आफूहरूको अभियान जारी रहेको खेतानले बताउनुभयो ।

प्रतिक्रिया

सम्बन्धित खवर

ताजा समाचार

लोकप्रिय