वीरगंज : पर्सामा सशस्त्र प्रहरीले सोमवार बेलुका लागूऔषध सहित एक जनालाई पक्राउ गरेको छ lपक्राउ पर्ने वीरगंज महानगरपालिका १५ बस्ने दिनेश पटेलको छोरा वर्ष १६ को राजकुमार पटेल रहेको सशस्त्र प्रहरीका डीएसपी निर्मल कुमार थापाले जानकारी दिएका छन् ।
सशस्त्र प्रहरी निरीक्षक कृष्णा पौडेलको कमाण्डमा खटिएको प्रहरी टोलीले पक्राउ गरेको हो l सशस्त्र प्रहरी बल नेपाल बोर्डर आउट पोष्ट भिस्वाले भारतबाट झोलामा बोकी नेपालतर्फ ल्याउँदै गरेको लागू औषध ५ सय नूफीन (noophin) ,५०० सय डाईजेपाम(diazepam) ,५०० सय प्रोमेठाजाइन (promethazine hydrochloride) सहित पटेललाई पक्राउ गरेको डीएसपी थापाले बताएका छन् ।
छिपहरमाई गाउँपालिका वार्ड नः ५ भिस्वा स्थित पटेल भारतबाट नेपालतर्फ झोला बोकी आउदै गर्दा संकास्पद लागी बोर्डरमा रोकेर चेकजाँच गर्दा पक्राउ गर्न सफल भएको हो । थप अनुसन्धानका लागि पटेललाई ईलाका प्रहरी कार्यालय पोखरियामा जिम्मा लगाइएको डीएसपी थापाले बताएका छन् ।
