२०७८ आश्विन २, शनिबार १७:४६ बजे
बिरगंज , २ असोज। बिरगंज महानगरपालिकाको वडा नम्बर १० मा निर्माण हुन लागेको पशुपति आदर्श क्लब भवनको शिलान्यास गरिएको छ । नगरस्तरिय बजेटबाट २५ लाखको लागतमा वडा नम्बर १० स्विमिङ पुलको छेउमा निर्माण हुन लागेको पशुपति आदर्श क्लब भवनको आज वीरगंज माहानगरपालिका नगर प्रमुख विजयकुमार सरावगीले शिलान्यास गर्नुभएको हो ।
भवन निर्माण स्थलको शिलान्यास गर्दै महानगर प्रमुख सरावगीले आदर्श क्लब महानगरपालिकाको अभिन्न अंगको रुपमा रहेर सामाजिक विकासमा काम गर्नेमा विश्वास व्यक्त गर्नुभयो ।
उहाँले सामाजिक विकासमा सामाजिक संघ संस्थाहरुको महत्वपूर्ण भूमिका रहने हुँदा आदर्श क्लबले पनि समाज विकासका लागि विभिन्न गतिविधिहरु गर्नुपर्नेमा जोड दिनुभयो । क्लबका अध्यक्ष संतोष गुप्ताको अध्यक्षतामा कार्यक्रम सम्पन्न भएको हो ।
