वीरगंज। लागु औषध नियन्त्रण व्यूरो तथा प्रहरी चौकी बसपार्कबाट खटिएको संयुक्त टोलीले २ जनालाई लागूऔषध सहित पक्राउ गरेको छ।
पक्राउ पर्नेमा पर्सा जिल्लाको वी.म.न.पा.वडा नं.१७ अलौ बस्ने २३ वर्षिय सुनिल साह र पर्सा जिल्लाको वी.म.न.पा.वडा नं.१७ सिमान टोल बस्ने ३९ वर्षिय बिनोद दास हरिजन रहेका छन।
शुक्रबार दिउसो १ बजे बिशेष सूचनाको अधारमा खटिएको प्रहरी टोलीले वीरगञ्ज महानगरपालिका वडा नं.१५ बसपार्क स्थित सडकखण्डमा भारतबाट नेपालतर्फ आईरहेका ना.३५ प ४०४८ नम्बरको कालो सुपर स्प्लेण्डर मोटरसाइकललाई रोकी चेक जाँच गर्दा मो.सा.पछाडि हरिजनले बोकेको कालो प्लाष्टिकको झोलामा लुकाइछिपाई ल्याएको लागू औषध नाईट्राभेट ट्याब्लेट १४७० पिस सहित प्रहरीले पक्राउ गरेको जिल्ला प्रहरी कार्यालय पर्साका डिएसपी ओम प्रकाश खनालले जानकारी दिएका छन।
लागु औषध र मो.सा. सहित साह र हरिजन लाई नियन्त्रणमा लिई लागु औषध सम्बन्धी कसूरमा अनुसन्धान अगाडि बढाइएको पर्सा प्रहरीले जनाएको छ ।
