२०७८ आश्विन ११, सोमबार ०१:३५ बजे
काठमाडौं । इण्डियन प्रिमियर लिग क्रिकेट (आईपीएल) मा चेन्नई सुपर किङ्सले कोलकत्ता नाइट राइडर्सलाई हराएको छ । आबुधाबीमा आइतबार भएको खेलमा चेन्नईले कोलकत्तालाई २ विकेटले हराएको हो।
कोलकत्ताले दिएको १ सय ७२ रनको लक्ष्य चेन्नईले २० ओभरमा ८ विकेट गुमाएर पूरा गर्यो । चेन्नईको जितमा फाप डु प्लेसिसले ४३, रुतुराज गायकवाडले ४० तथा मोइन अलिले ३२ र रविन्द्र जडेजाले २२ रन बनाए । कोलकत्ताका सुनिल नारिनेले ३ विकेट लिए ।
यसअघि पहिले ब्याटिङ गरेको कोलकत्ताले २० ओभरमा ६ विकेट गुमाएर १ सय ७१ रन बनाएको थियो । कोलकत्ताका राहुल त्रिपाठीले ४५ , नितिस रानाले ३७ र दिनेश कार्तिकले २६ रन बनाए l चेन्नईका शार्दुल ठाकुर र जोश हाजलउडले २/२ विकेट लिए ।
यस जितसँगै चेन्नई शीर्ष स्थानमा उक्लिएको छ । चेन्नईले १० खेलमा १६ अंक जोडेको छ । कोलकत्ता ८ अंक जोडेर चौंथो स्थानमा रहेको छ ।
