अपडेट 
पटेर्वासुगौली-४ मा सिकाई निरन्तरता अभियान पढाई मेला सम्पन्न। | पोखरिया नगरपालिका-९ सेमबारी बैरियामा निशुल्क आखा सिविर सम्पन | गृहमन्त्री लामिछाने भन्छन्- सबै ‘फरार’ समातिन्छन्,धुलो धेरै छ, पुरानो छ तर,थोरै पर्खिनु पर्छ | सशस्त्रका ९७ एसपीको सरुवा , पर्सामा सुमन थपलिया र बारामा टोप बहादुर डाँगी आउदै । | सरकारी मोटरसाईकलको चरम दुरुपयोग, ससुराली जानदेखि भारतमा तरकारी किन्नसम्म | धोबिनी गाउँपालिका वडा नं ४ मा सामाजिक सुरक्षाभत्ता वितरण गराउदै,वडाअध्यक्ष- अबास मिया | धोबिनी गापाको स्वास्थ्य संस्थामा सिटामोल नरहेको कारण बिरामी रितो हाथ फर्कन बाध्य | पर्साको जिराभवानी र पटेर्वासुगौलीमा खिचडी महोत्सव | भारतीय समाजवादी नेता शरद यादवको निधन | शीतलहर प्रभावितलाई सशस्त्र प्रहरी परिवार महिला संघद्वारा कम्बल वितरण । |
२०७८ आश्विन १२, मंगलवार ०६:०४ बजे

१२ असोज, काठमाडौं । नेपाली कांग्रेसको १४ औं महाधिवेशन अन्तर्गत ललितपुरमा पालिका अधिवेशन सम्पन्न भएको छ । ६ पालिका रहेको ललितपुरमा तीन वटामा सर्वसम्मत नेतृत्व चयन भएको छ भने ललितपुर महागनगरसहित तीन वटामा निर्वाचनबाट नयाँ कार्यसमिति निर्वाचित भएको हो ।

गोदावरी नगरपालिका, वाग्मती गाउँपालिका र महांकाल गाउँपालिकामा सोमबार नै सर्वसम्मत नेतृत्व चयन भएको कांग्रेस जिल्ला कार्यसमिति ललितपुरले जनाएको छ ।

गोदावरी नगरपालिकामा प्रदीप जोशी, वाग्मती गाउँपालिकामा वीरबहादुर लोप्चन र महांकाल गाँउपालिका खोमप्रसाद दाहाल सर्वसम्मत सभापतिमा निर्वाचित भएका हुन् । तीनै जना संस्थापन निकट हुन् ।

कोञ्जोस्योम गाउँपालिका, महालक्ष्मी नगरपालिका र ललितपुर महानगरपालिकामा भने मतदान प्रक्रियाबाट नयाँ नेतृत्व चयन भएको हो । ललितपुर महानगरपालिकामा सुभानन ध्वाख्वा निर्वाचित भएका छन् । उनले २८२ मत पाए भने अर्का प्रत्यासी गणेशभक्त श्रेष्ठले २२१ प्राप्त गरेको मतदान अधिकृतले जनाए । ध्वाख्वा र श्रेष्ठ दुवै संस्थापन निकट हुन् ।

महालक्ष्मी नगरपालिकामा दिवाकर सिलवाल सभापतिमा विजयी भएका छन् । उनले ८२ मतले पाए भने सभापति पदका अर्का उम्मेदवार सुशील खड्काले ८० मत प्राप्त गरे । सभापतिमा निर्वाचित सिलवाल संविधानसभा सदस्य रामकृष्ण चित्रकार निकट हुन् । चित्रकार पछिल्लो समय संस्थापन समूहसँग नजिक छन् ।

कोन्ज्योसोम गाउँपालिकामा सरोज घलान सभापति पदमा विजयी भएका छन् । उनले ४५ मत प्राप्त गरे भने अर्का प्रत्यासी जीवन बलले ३७ मत प्राप्त गरेका हुन् । घलान भने पौडेल समूह निकट हुन् ।

प्रतिक्रिया

सम्बन्धित खवर

ताजा समाचार

लोकप्रिय