भारतबाट अवैध रुपमा ल्याउदै गरेको चल्ला बरामद l

वीरगंज, १४ असोज। ईलाका प्रहरी कार्यालय जानकीटोलाबाट खटिएको प्रहरी टोलीले भारतबाट नेपालतर्फ अवैध रूपमा ल्याउँदै गरेको ३ वटा मोटरसाईकल सहित ५१ कार्टुन खुकुराको चल्ला बरामद गरेको छ ।

प्रहरीले नियन्त्रणमा लिनखोज्दा भारतीय नंबरका BR22M2251 , BR22F8695 र एउटा नम्बर नखुलेको प्लाटिना  मो.सा.र चल्ला छाडेर तस्करहरु फरार भएको पर्सा प्रहरीले जनाएको छ ।

जगरनाथपुर गाउँपालिका वडा नं २ जानकीटोलाबाट बिहीबार बिहान बरामद गरिएको मो.सा.र ४ हजार ८० पिस चल्लाको अ.मुल्य रु. दुई लाख चार हजार रहेको जिल्ला प्रहरी कार्यालय पर्साका प्रवक्ता एवम (डिएसपि) ओम प्रकाश खनालले जानकारी दिनुभयो ।