बीरगंज एक्सप्रेस

२०७८ असार ११, शुक्रबार १६:०७ बजे

दमौली : व्यास ९ मा एक आश्चर्यजनक बलात्कारको घटना सार्वजनिक भएको छ । छ वर्षीया बालिका बालात्कारको गरेको आरोपमा ५६ वर्षीय उनकै काका पक्राउ परे पछि घटना सार्वजनिक भएको हो । घटना गत असार ६ गतेको हो। ती पुरुषले आफ्नै भाइकी छोरी बलात्कार गरेको प्रहरी अनुसन्धानबाट खुलेको छ। आमा खेतमा गएका बेला ती पुरुषले भतिजीमाथि बलात्कार गरेका थिए ।

बालिकाका बुवा भने काठमाडौंमा छन् । घरमा कोही नभएको मौका छोपी ती पुरुषले बलात्कार गरेको खुलेको प्रहरी नायब उपरीक्षक लिलाराज लामिछानेले बताए । घटना भएकै दिन साँझ प्रहरीले उनलाई पक्राउ गरेको थियो ।

बालिकाको भने केही दिनअघि दमौलीमा उपचार गरिएको छ । व्यास ९ का वडाध्यक्ष सुरेश थापाले घटना सुनेपछि निष्पक्ष अनुसन्धानका लागि प्रहरीलाई सघाएको बताए । ‘यस्तो घटनामा कोही कसैको पनि दबाब रहँदैन,’ उनले भने,‘अनुसन्धानमा प्रहरीलाई सघाएका छौं ।’