अपडेट 
पिताको अनुमति बिना बिहे गर्दै छिन् बलिउड अभिनेत्री सोनाक्षी सिन्हा | प्रदेश सरकारको योजनामा अब उपभोक्ता समिति हटाइनेछः मुख्यमन्त्री सिँह | पेडा खुवाएर बलात्कार गरेको आरोपमा मुख्यमन्त्री कार्यालयका उपसचिव साह नियन्त्रणमा | कार्यवाहक प्रधानमन्त्रीको जिम्मेवारी यातायातमन्त्री महासेठलाई | तस्करीको लाइन खोलाउन गएका नामुद तस्कर मुख्तार पक्राउ | नेपाल प्रहरीका चार एसपीलाई एसएसपीमा बढुवा गर्न सिफारिस | नेपाल प्रहरीका चार डीएसपीलाई एसपीमा बढुवा गर्न सिफारिस | गृहमन्त्री लामिछानेविरुद्धको रिटमा आज सुनुवाइ | मधेस प्रदेश : एमाले र माओवादीका मन्त्रीले अझै छाडेनन् ‘मन्त्री निवास’ | प्रदेश नीति तथा योजना आयोगका उपाध्यक्ष बिश्वकर्मा सम्मानीत |
२०७८ फाल्गुन २, सोमबार १८:५१ बजे

सर्लाही – जिल्ला प्रहरी कार्यालय सर्लाहीले प्रहरी निरीक्षक भुपेन्द्र गिरीलाई माघ महिनाका लागि जिल्लाकै उत्कृष्ट प्रहरी घोषित गरिएको छ ।

जिल्ला प्रहरी प्रमुख एसपी कृष्ण प्रसाईले सोमबार मधेश प्रदेश दंगा नियन्त्रण प्रहरी गण ४ नम्बर गुल्ममा दरबन्दी भएर ईलाका प्रहरी कार्यालय हरिवनमा कार्यरत गिरीलाई सम्मानित गरेका हुन् ।

जिल्ला प्रहरी कार्यालय सर्लाहीका अनुसार इन्स्पेक्टर गिरीले विभागीय मुल्य मान्यता, आदेश निर्देशनको पालना गरी व्यवसायीक, लगनशिल, कर्तव्यनिष्ट र उच्च मनोबलका साथ कार्यालय प्रमुखको हैसियत कार्य सम्पादन गरेको आधारमा उत्कृष्ट ठहर गरिएको जनाएको छ ।

प्रहरीका अनुसार इन्स्पेक्टर गिरीले ८ माघमा जिल्लाको बागमती पुलको बीचमा बा ८४ प ५९०८ नम्बरको मोटरसाइकललाई ठक्कर दिदा चालकको मृत्यु भएको घटनाका फरारलाई  घटना भएको २ घण्टा भित्रै पक्राउ गरेको जनाएको छ ।

यस्तै १४ माघमा  हरिवन नगरपालिका ४ सासापुर स्थित पुर्व पश्चिम लोकमार्गको सडक खण्डमा ना ७ ख ६३९ नं। को सपना डिलक्स रात्री बसले पैदल यात्रीलाई ठक्कर दिई मृत्यु भएको हुँदा उक्त बस चालक फरार रहेकोमा २४ घण्टा भित्रै चालकलाई पक्राउ गरी कानूनी कारवाहीको दायरामा ल्याएका थिए ।

इन्स्पेक्टर गिरीको कमाण्डमा मोटरसाइकल चोरी नियन्त्रणको लागी प्रहरी परिचालन गरी नक्कली नम्बर प्लेट प्रयोग गरिएको अवस्थामा ७ वटा बरामद गरी सम्बद्ध यातायात कार्यालय संग समन्वय गरी वास्तविक नम्बर र धनि एकिन गरि बुझाएका थिए ।

यस्तै ईप्रका हरिवनकै सक्रियतामा सर्लाही जिल्ला अदालतको विभिन्न मुद्दामा कैद जरिवाना लागि फरार रहेका ४ जना फरार प्रतिवादीहरुलाई पक्राउ गरि कैद जरिवाना असुल उपरको लागी अदालतमा दाखिला गरेको छ ।

यस्तै आफ्नो ईलाका क्षेत्रमा जुवा खेल्ने खेलाउने र लागूऔषधका कारोबारी बिरुद्धको कारबाही चलाएर इन्स्पेक्टर गिरीले शन्ति व्यवस्था कायम गरेको जिल्ला प्रहरी कार्यालय सर्लाहीले जनाएको छ ।

प्रतिक्रिया

सम्बन्धित खवर

ताजा समाचार

लोकप्रिय