२०७८ फाल्गुन ७, शनिबार १९:०० बजे
कलैया – ७ फागुन । महागढीमाई नगरपालिका १ नः वडाका मृगौला पिडित ३५ बर्षिय श्रीनिवास प्रसाद साहलाई महागढीमाई फाउन्डेसन नेपाल र लायन्स कल्ब अफ गढीमाईले संयुक्त रुपमा अभियान सञ्चालन गरी संकलित रकम आर्थिक सहयोग स्वरुप शनिबार चेक हस्तांतरण गरेका छन।
महागढीमाई फाउन्डेसन नेपाल र लायन्स कल्ब अफ गढीमाईले संयुक्त रुपमाले विगत केही दिन देखि संचालन गरेको श्रीनिवास प्रसाद साह बचाउँ अभियानमा विभिन्न संघसंस्थाहरू तथा व्यक्तिगत रुपमा विभिन्न दात्ताहरुसंग उठाईएको कुल ८ लाख ३७ हजार, ६ सय ७० रुपैयाको चेक महागढीमाई नगरपालिका वडा नं. २ मा रहेको श्री महेन्द्र प्राविको प्राङ्गणमा एक कार्यक्रमको आयोजना गरी स्थानियहरुको उपस्थितिमा शनिबार रकम हस्तांतरण गरिएको सुबास यादवले जानकारी दिए ।
पिडित श्रीनिवास प्रसाद साहको बिगत ६ महिना देखि दुवै मृगौलाले काम गर्न छोडेको र उपचारमा समेत आर्थिक अवस्था नाजुक रहेकोले सकस भएको भन्दै सहयोग गरिएको जानकारी गराइएको छ।
उपचारको क्रममा भए भरको सम्पत्ति समेत बिक्री गरिएको आवस्थामा पनि सम्भव नभए पछि परिवारजनले आर्थिक सहयोगको अपिल गरेकोले सो सहयोग जम्मा गरिएको थियो।
संघसंस्थाद्वारा हस्तान्तरित रकम बुझ्दै पिडित साहले सम्पुर्ण दाताहरु प्रति आभार व्यक्त गरे ।
निज साहको जीवन वचाउन सहयोग प्रदान गर्नुहुने सम्पूर्ण दयालु महानुभावहरु र सहयोगी सँघ संस्थाहरुप्रति अभियान्ता शिवमंगल यादवले धैरै धेरै धन्यवाद व्यक्त समेत गर्नुभएको छ ।
शिवमंगल यादवको अध्यक्षतामा गरिएको चेक हस्तांतरण कार्यक्रममा सुबास यादव, जयराम कुशवाहा ,राकेश कुशवाहा, अमिचन महतो, अबताब आलम, अमित कुशवाहा,ओम नारायण चौरसिया , मिथिलेश स्वर्णकार लगायतको उपसतिथि रहेको थियो भने उक्त कार्यक्रमको सञ्चालन जियालाल कुशवाहाले गरेका थिए ।
प्रतिक्रिया
सम्बन्धित खवर
