अपडेट 
पोखरिया नगरपालिका-९ सेमबारी बैरियामा निशुल्क आखा सिविर सम्पन | गृहमन्त्री लामिछाने भन्छन्- सबै ‘फरार’ समातिन्छन्,धुलो धेरै छ, पुरानो छ तर,थोरै पर्खिनु पर्छ | सशस्त्रका ९७ एसपीको सरुवा , पर्सामा सुमन थपलिया र बारामा टोप बहादुर डाँगी आउदै । | सरकारी मोटरसाईकलको चरम दुरुपयोग, ससुराली जानदेखि भारतमा तरकारी किन्नसम्म | धोबिनी गाउँपालिका वडा नं ४ मा सामाजिक सुरक्षाभत्ता वितरण गराउदै,वडाअध्यक्ष- अबास मिया | धोबिनी गापाको स्वास्थ्य संस्थामा सिटामोल नरहेको कारण बिरामी रितो हाथ फर्कन बाध्य | पर्साको जिराभवानी र पटेर्वासुगौलीमा खिचडी महोत्सव | भारतीय समाजवादी नेता शरद यादवको निधन | शीतलहर प्रभावितलाई सशस्त्र प्रहरी परिवार महिला संघद्वारा कम्बल वितरण । | मधेश प्रदेश प्रहरी प्रमुखमा डिआईजी बसन्त बहादुर कुवर आउदै |
२०७८ फाल्गुन १०, मंगलवार ०७:२६ बजे

काठमाडौं । अमेरिकी सहायता परियोजना एमसीसी रोक्न उत्तरी छिमेकी चीनले निकै प्रयास गर्यो । राजदूत, चिनियाँ कम्युनिस्ट पार्टीका विभिन्न तहका नेताको दौडधुपका बीच केही दिनअघि बेइजिङ (चिनियाँ विदेश मन्त्रालय) आफै अघि परयो ।

चिनियाँ विदेश मन्त्रालयका प्रवक्ताले नेपालमा अमेरिकाले धम्कीपूर्ण कुटनीति सुरु गरेको त्यसको चीनले प्रतिकार गर्ने चेतावनी दिए । अमेरिकी सहायक विदेशमन्त्री डोनाल्ड लुले नेपाली नेताहरुलाई टेलिफोन गरेर एमसीसी के हुन्छ भनेर राखेको जिज्ञासालाई चीनले धम्कीपूर्ण कुटनीति भनेर एमसीसी रोक्ने प्रचारबाजीका रुपमा उपयोग गर्यो ।

साथै नेपाललाई जोडेर अमेरिकासँग वाकयुद्धमै उत्रियो । चीनले यति गर्दा पनि एमसीसी टेबल भएरै छोड्यो । एमसीसी टेबल भएपछि प्रमुख सत्तारुढ दल नेपाली कांग्रेसले चीनलाई जवाफ फर्काएको छ ।

कांग्रेसले नेपालको चिन्ता नगर्न चीनलाई चेतावनी दिएको छ भने नेपाललाई कसैले दबाब नदिएको र आफ्नो निर्णय गर्न समक्ष रहेको जवाफ फर्काएको हो ।

कांग्रेस प्रवक्ता डा. प्रकाशशरण महतले सोमबार पत्रकार सम्मेलन गरेर अमेरिकी सहायक विदेश मन्त्री डोनाल्ड लुले एमसीसी सम्झौता ढिलाईबारे चासो राख्नु स्वभाविक भएको र यसलाई अन्तर्राष्ट्रिय इस्यु बनाउन नहुने बताए । ‘हामीलाई कसैको दबाब आएको छैन ।

अमेरिकी सरकारका तर्फबाट ‘तपाइहरुले मागेको, अनुमोदन गरेको एमसीसी सम्झौता पाँच वर्ष वितिसक्यो । अनिर्णय र विवादित भएको छ । यसलाई चाडो टुंगो लगाइदिनुपर्‍यो । अरु देशबाट माग आएको छ ।हामीले विशुद्ध सहयोग गर्न खोजेको हो, यसलाई अनावशयक विवादित बनाइदिँदा अफ्ठेरो पर्‍यो भन्नु अस्वभाविक होइन,’ उनले भने, ‘किनभने एमसीसीलाई नेपाली राजनीतिले गिजोलेको हो । हामीले समयमै निर्णय दिनुपर्छ । यसलाई दबाबको रुपमा लिएका छैनौं ।’

एमसीसी अन्तर्राष्ट्रिय र राष्ट्रिय रुपमा विवाद/बहस छेडिनुमा कम्युनिस्टहरुले सत्तामा बसेर समयमै निर्णय नगर्दाको परिणाम भएको उनको भनाइ छ । ‘अब समयमै निर्णय दिनुपर्छ,’ उनले भने । कम्युनिस्टहरुका कारण नेपालमा अपरिपक्व राजनीतिक खेल भएको भन्दै महतले थपे, ‘अमेरिका र चीनबीच विवाद निम्त्याउने काम भयो । विकास योजनालाई अत्यधिक राजनीतिक गरियो । एमसीसी जतिसक्दो चाँडो पास गर्नुपर्छ । भ्रमको अन्त्य गर्नुपर्छ ।’

प्रतिक्रिया

सम्बन्धित खवर

ताजा समाचार

लोकप्रिय