धर्मेन्द्र कुमार यादव- महोत्तरी,
सोनमा गाउपालिकाले आ ब २०७९/०८० को नीति तथा कार्यक्रम पेस गरेको छ । मंगलवार गाँउपालिकाको सभाहलमा आयोजित एक समारोह बीच बजेट पेश गरिएको छ।
गाँउपालिकाका अध्यक्ष विशेश्वर प्रसाद यादवले ४३ करोड ९८ लाख ४३ हजार को बजेट प्रस्तुत गरेको हो।
अध्यक्ष यादवले प्रस्तुत गरेको वजेटमा आन्तरिक स्रोत मार्फत १ करोड, संघीय सरकारको राजश्व वाँडफाँड मार्फत १० करोड २६ लाख ९ हजार, संघीय सरकारको समानीकरण अनुदान मार्फत १२ करोड ८६ लाख, संघीय सरकारको सशर्त अनुदान मार्फत १५ करोड २८ लाख रुपैयाँ रहेको छ ।
त्यस्तै प्रदेश सरकारको वितीय समानीकरण मार्फत ८३ लाख ३४ हजार, प्रदेश सरकारको विशेष अनुदान मार्फत ३० लाख, प्रदेश सरकारको सम्पूरक अनुदान मार्फत २० लाख, सडकवोर्ड मार्फत २५ लाख र गत आर्थिक वर्षको संचित रकम ३ करोड गरी सो वजेट विनियोजन गरिएको गाँउपालिकाको कार्यालयले जनाएको छ । स्वास्थ्यलाई विशेष प्राथामिकतामा राखि विनियोजन गरिएको वजेटमा शिक्षा, कृषिले पहिलो प्राथामिकता पाएको गाँउपालिकाका अध्यक्ष यादवले बताए । उता नीति तथा कार्यक्रमकाे केही वुदा प्रति असहमति जनाउँदै वडा न.१ काे वडा अध्यक्ष अशाेक कुमार यादवले भने बाँकि वुदा प्रति सहमति रहेकाे जनाउँदै शुभकामना दिनु भयाे।
त्यस्तै नीति तथा कार्यक्रम प्रति असन्तुष्टि जनाउँदै वडा न. ६ का वडा अध्यक्ष श्याम यादवले भने संसाेधन गरेर वजेट ल्यान माँग गरे।
नीति तथा कार्यक्रमकाे केही वुँदा प्रति असहमति जनाए पनि छलफलकाे माध्यमले ऋटिलाई सच्चाएर जानू पर्नेमा अध्यक्षले यादवले सहमति जनाएका छन ।
कार्यक्रम पछी अब नितीगत बजेट बन्द सत्रमा विभिन्न शिर्षकमा बाडफाड गरिने छ।
