२०७९ श्रावण ५, बिहीबार ०८:१७ बजे
काठमाडौं– काठमाडौंको चावहिलस्थित एक गोदाममा प्रहरीको बिशेष टोलीले छापा मारेको छ ।
उपत्यका अपराध अनुसन्धान कार्यालयको बिशेष टोलीले आज उक्त गोदाममा छापा मार्दा पटका (बिस्फोटक पदार्थ) सहित भन्सार छलीका बिभिन्न सामग्रीहरु फेलापरेको छ ।
अवैध कारोबार हुने गरेको सूचनाका आधारमा पुगेको प्रहरीको विशेष टोलीले गोदामबाट पटकासहित विभिन्न बिदेशी ब्रान्डका चुरोट, गुट्खा, हुक्का फ्लेबर्स र अक्सिमिटर बरामद गरेको हो ।
बरामद गरिएका बस्तु करिब १ करोड मुल्य बराबरका रहेको अपराध अनुसन्धान कार्यालयका एसपी कृष्ण कोइरालाले जानाएका छन् ।
एसपी कोइरालाले भन्सार छलेर ल्याइएको सामान र गोदामका मालिक पर्साको सुखवा प्रसौनी गाउँपालिका १ घर भएर काठमाण्डौं कपन बस्ने ४० वर्षीय छविलाल अगस्तीलाई पक्राउ गरिएको जनाएका छन् । ।
भन्सार छलीका सामानमा पटका समेत रहेकोले छबिलालमाथि विस्फोटक पदार्थ ऐनसम्बन्धी कसुरमा मुद्दा चलाइने कोइरालाले बताए । बरामद भएका सामानहरु राजश्व अनुसन्धान विभागमा पठाइएको छ ।
प्रतिक्रिया
सम्बन्धित खवर
