बारा । सशस्त्र प्रहरीले बाराबाट ठुलो परिमाणमा लागूऔषध गाजा सहित २ जनालाई पक्राउ गरेको छ ।
बाराको माहागढीमाई नगरपालिका – ५ तेलगाई बाटो हुँदै दक्षिण सिमातर्फ लैजादै गरेको लागूऔषध गाजा र बा ५ ख ८०७५ नम्बर पलेटको ट्रक सहित २ जनालाई शुक्रबार पक्राउ गरेको सशस्त्र प्रहरीले जनाएको छ ।
सशस्त्र प्रहरीके ट्रक चालक मकवानपुर जिल्लाको कैलास गाउँपालिका – ६ सानु लेख निवासी मान ब.रुम्बाको छोरा अन्दाजी वर्ष २९ को राज कुमार रुम्बा र भारतिय नागरिक मोतिहारी जिल्ला थाना संग्रामपुर वार्ड न: ११ भरवलिया निवासी श्याम लाल महतोलाई पक्राउ गरेको हो ।
विशेष सूचनाको आधारमा चेकजाच गरी प्रतिबन्धित तैयारी गाजा १० पोका अन्दाजी १५० केजी बरामद गरेको सशस्त्र प्रहरी मधेश प्रदेशका डिआइजी गणेश ठाडा मगरले बताउनु भयो ।
लागु औषध गाजा सहित बरामद भएको ट्रक र चालक रुम्बा र महतोलाई अवाश्यक कारवाहीको लागी जिल्ला प्रहरी कार्यालय बारामा बुझाउने प्रकृयामा रहेको सशस्त्र प्रहरीले जनाएको छ ।
