काठमाडौं। यतिबेला काठमाडौं क्षेत्र नं ३ मा नेपाली काँग्रेसको १४ औँ महाधिवेशनको लागि क्षेत्र देखि इकाईसम्म नेताहरुको चहलपहल बढेको छ। काठमाडौं क्षेत्र नं ३ मा काँग्रेसका नेता कार्यकर्ताहरुले भेटघाटलाई तिब्रता दिन थालेका छन् । कांग्रेसका क्रियाशील सदस्यहरुमाँझ नेताहरु आफ्नो नेतृत्वको दावी सहित जिताउनको लागि लागिपरेका छन् ।
आगामी महाधिवेशनबाट आफ्नो नेतृत्व दाबी सहित यतिबेला काठमाडौं क्षेत्र नम्बर ३ को साबिकको गोकर्णेश्वर वडा नम्बर १०, हालको गोकर्णेश्वर वडा नम्बर ४ मा नेपाली काङ्ग्रेस इकाइ सभापतिको लागि श्री राम श्रेष्ठले उम्मेदवारी पेस गरेका छन् । नेपाली कांग्रेसलाई आगामी चुनावमा पहिलो पार्टी बनाउन,विजयी बनाउनका लागि,पार्टीलाई शक्तिशाली बनाउन सबै सक्रिय सदस्यहरुलाई सम्मानजनक ढंगले समेटेर अगाडी बढाउने योजनाका साथ इकाई सभापतिमा आफुले उम्मेदवारी दिएको श्रेष्ठले बताए ।
काठमाडौं क्षेत्र नं. ३ को साबिकको गोकर्णेश्वर वडा नं १०का इकाई सचिब समेत रहेका श्रेष्ठले इकाइका सबै क्रियाशील सदस्यहरुलाई मिलाएर पार्टीको नीतिनियम अनुसार अगाडी बढ्ने बताए ।
फाइभ स्टार युवा क्लबका कोषाध्यक्ष त्यस्तै नागरिक वडा मंचका संयोजक समेत रहेका उनले नेपाली काङ्ग्रेसलाई हाम्रो नेपाली काङ्ग्रेस बनाउन आफ्नो तर्फ बाट सदैब लागिपर्ने समेत उनले बताए ।
