म्याग्दी । म्याग्दीमा आज बिहान पहिरोले घर बगाउँदा दुई जनाको मृत्यु भएको छ । जिल्लाको मालिका गाउँपालिका–२ रुमको तामिङमा घामबहादुर विक र गोठे विकको घर पहिरोले पुरिएको हो ।
घटनास्थलमा रहेका निवर्तमान वडा सदस्य समबहादुर विकका अनुसार गोठे विकका छोरा राजन र नवीनको शव भेटिएको छ । भने अन्य तीन जना बेपत्ता भएका छन् ।
गोठे र उनकी श्रीमती गोरी विक पहिरोमा परेर घाइते भएका छन् । घमबहादुर, उनकी श्रीमती राममाया र छोरी रोजी विक बेपत्ता भएका हुन् । स्थानीयवासीले बेपत्ताको खोजी गरिरहेका छन् ।
मालिका गाउँपालिकाका अध्यक्ष बेगप्रसाद गर्बुजाले जनप्रतिनिधि र सुरक्षाकर्मीको टोली घटनास्थलतर्फ हिँडेको जानकारी दिए ।
प्रतिक्रिया!
