अपडेट 
पोखरिया नगरपालिका-९ सेमबारी बैरियामा निशुल्क आखा सिविर सम्पन | गृहमन्त्री लामिछाने भन्छन्- सबै ‘फरार’ समातिन्छन्,धुलो धेरै छ, पुरानो छ तर,थोरै पर्खिनु पर्छ | सशस्त्रका ९७ एसपीको सरुवा , पर्सामा सुमन थपलिया र बारामा टोप बहादुर डाँगी आउदै । | सरकारी मोटरसाईकलको चरम दुरुपयोग, ससुराली जानदेखि भारतमा तरकारी किन्नसम्म | धोबिनी गाउँपालिका वडा नं ४ मा सामाजिक सुरक्षाभत्ता वितरण गराउदै,वडाअध्यक्ष- अबास मिया | धोबिनी गापाको स्वास्थ्य संस्थामा सिटामोल नरहेको कारण बिरामी रितो हाथ फर्कन बाध्य | पर्साको जिराभवानी र पटेर्वासुगौलीमा खिचडी महोत्सव | भारतीय समाजवादी नेता शरद यादवको निधन | शीतलहर प्रभावितलाई सशस्त्र प्रहरी परिवार महिला संघद्वारा कम्बल वितरण । | मधेश प्रदेश प्रहरी प्रमुखमा डिआईजी बसन्त बहादुर कुवर आउदै |
२०७९ श्रावण १७, मंगलवार ०८:४८ बजे

काठमाडौं । लाइफ इन्स्योरेन्स कर्पोरेसनले बीमालेखधनि (बिमित) को रकम फिर्ता गर्न आनाकानी गरेको छ । बीमा समितिको नियमावली बमोजिम दुई किस्ता बुझाइसकेका बिमितले कुनै कारणले बाँकी किस्ता तिर्न नसकेको अवस्थामा इन्स्योरेन्स कम्पनीको नियमअनुसार फिर्ता गर्नुपर्ने हुन्छ । तर, लाइफ इन्स्योरेन्स कम्पनीले विभिन्न बहाना बनाएर रकम फिर्ता गर्न आनाकानी गरेको बिमित विन्दा प्रसाइले अनलाइन नेपाललाई बताइन् ।

प्रसाइले चार दिन अघिदेखि इन्स्योरेन्समा धाउँदा पनि आफूले रकम नपाएको गनासो गरिन् । बीमा अवधि समाप्त नभएपनि दुई किस्ता तिरिसकेको हुँदा नियमानुसार आफ्नो बाँकी रकम फिर्ता पाउने पर्ने उनको भनाई छ । तर, लाइफ इन्स्योरेन्स कर्पोरेसनले भने २०७८ असारको बीमा समितिको निर्देशनलाई आधार बनाई पैसा फिर्ता गर्न आनाकानी गर्दै आएको छ ।



बीमा समितिले २०७८ असार १५ गते एक निर्देशन जारी गरी बिमितले तीन किस्ता बुझाएको खण्डमा मात्रै रकम फिर्ता पाउन सक्ने व्यवस्था गरेको छ । तर, प्रसाइ भने आफूले उक्त नियम लागू हुन पूर्व नै बीमा गरेकाले समयमै आफ्नो रकम फिर्ता पाउनुपर्ने माग गरेकी छन् ।

प्रसाइले २०७७ साउन २ गते ७ करोडको बीमा गरेकी थिइन भने उनले दुई किस्ता गरेर एक करोड ४४ लाख २० हजार रुपैयाँ बुझाइ सकेकी छन् । इन्स्योरेन्स कम्पनीले पनि प्रसाइले फिर्ता गर्नुपर्ने रकम एक करोड ३७ लाख ५५ हजार ७५६ रहेको भन्दै फाइल तयार गरिसकेको छ । तर, रकम दिन भने आनाकानी गरिरहेको छ ।

प्रसाइले सोही बीमालेख धितो राखेर लक्ष्मी बैंकबाट ऋण लिएको र उक्त बीमालेख समर्पण गरी बैंकको ऋण चुक्त गर्नुपर्ने उल्लेख गरेकी छन् ।

लक्ष्मी बैंकले पनि सोही ब्यहोरा उल्लेख गरेर लाइफ इन्स्योरेन्स कम्पनीलाई पत्र पठाइसकेको छ । चार दिनसम्म धाउँदा पनि रकम नपाएपछि उनले बीमा समिति र सीआईबीमा ठगीमा उजुरी दिने बताइन् । यसबारे जानकारी लिन कम्पनीका सूचना अधिकारी सुदर्शन गिरीको मोवाइलमा फोन गर्दा उनीसँग सम्पर्क हुन सकेन ।

प्रतिक्रिया

सम्बन्धित खवर

ताजा समाचार

लोकप्रिय