२०७९ श्रावण १९, बिहीबार ०२:०२ बजे
काठमाडौं । सत्ता गठबन्धनका दलका शीर्ष नेताहरूको बैठक बिहान बस्दैछ ।
संसदीय निर्वाचनको मितिमा सहमति जुटाउन बैठक बस्न लागेको हो ।
प्रधानमन्त्री शेरबहादुर देउवाले हिजो बसेको बैठकमा मंसिर ४ मा निर्वाचन मिति प्रस्ताव गरेका छन् ।
गठबन्धनका अन्य दलहरूले भने पार्टीमा आन्तरिक छलफलका लागि समय मागेका छन् । त्यसैले, कांग्रेस सभापतिसमेत रहेका प्रधानमन्त्री देउवाले आजका लागि बैठक डाकेका हुन् ।
