अपडेट 
छिपहरमाईमा करेन्ट लागेर एक जनाको मृत्यु | पाेखरियामा याेजना शाखा प्रमुख पाण्डेकाे हालीमुहाली, याेजना बिक्री गर्दै | उपेन्द्र आउट भएपछि स्वास्थ्यमन्त्रीमा प्रदीप यादव, रञ्जु ठाकुर र हसिना खान पनि मन्त्री बन्ने | मधेशका मुख्यमन्त्री कार्यालयका उपसचिव साहमाथि बलात्कार मुद्दा, कर्मचारीकै श्रीमतीलाई ब्लाकमेल गरी पटक पटक बलात्कार | एमालेले पनि छोड्यो मधेस सरकार, मुख्यमन्त्री यादव अल्पमतमा | माओवादीले फिर्ता लियो मधेश सरकारलाई दिएको समर्थन | मधेश सरकारबाट बाहिरियो माओवादी केन्द्र | छिहरमाईका अध्यक्ष बालविवाह गराउँदै,सूचना लुकाउँदै | लिटिलबडी प्रि-स्कुलका बालबालिकाहरुले एक वर्षमा बचत गरेको रकम सार्वजनिक | नेपाल प्रहरीका ५१९ इन्स्पेक्टरको सरुवा (सूचीसहित) |
२०७९ श्रावण २१, शनिबार ०१:५५ बजे

काठमाडौं । परराष्ट्रमन्त्री डा. नारायण खड्का साउन २४ गते चीन भ्रमणमा जाने भएका छन् । शुक्रबार बेइजिङमा पत्रकार सम्मेलन गरी चिनियाँ परराष्ट्र मन्त्रालयकी प्रवक्ता ह्वा छुन् यिङले अगस्ट ८ देखि १० तारिखसम्म नेपालका परराष्ट्रमन्त्री खड्काले चीनको भ्रमण गर्न लागेको पुष्टि गरेकी हुन् ।

चिनियाँ समकक्षीको निमन्त्रणमा खड्का तीन दिन चीन भ्रमण जाने र त्यहाँ उच्च राजनीतिक भेटघाट गर्नेछन् । चीन र नेपालका परराष्ट्रमन्त्रीबीच साउन २५ गते दुई देशको सम्बन्धका विषयमा भेटवार्ता हुनेछ ।



पत्रकार सम्मेलनमा प्रवक्ता ह्वाले नेपाल र चीन असल छिमेकी तथा साझेदार भएको बताउँदै नेपाली परराष्ट्रमन्त्री खड्काको यो भ्रमण चिनियाँ स्टेट काउन्सिलर तथा विदेशमन्त्री वाङ यीको गत मार्चमा भएको नेपाल भ्रमणको आदानप्रदान भएको बताइन् ।

चिनियाँ परराष्ट्रमन्त्री वाङले नेपाल र दक्षिण कोरियाली विदेशमन्त्रीलाई एकैसाथ शानतोङ प्रान्तको छिङ्ताओमा स्वागत गर्ने कार्यक्रम छ। विश्वचर्चित छिङ्ताओ बियर महोत्सवको ३२औं संस्करण समापन भएको भोलिपल्ट सो स्थलमा यो भेटघाट तय भएको छ।

त्यसअघि अगस्ट ६ देखि ८ तारिखसम्म चिनियाँ विदेशमन्त्री वाङ यीले बांग्लादेश र मंगोलियाको भ्रमण गर्ने र त्यो भ्रमण सकिएपछि छिङ्ताओमा नेपाली तथा दक्षिण कोरियाली समकक्षीलाई स्वागत गर्ने कार्यक्रम रहेको चिनियाँ सञ्चारमाध्यमहरूले उल्लेख गरेका छन्।

मंगोलिया र बंगलादेश भ्रमणका क्रममा वाङ यीले आपसी सम्बन्ध र साझा सरोकारका अन्तर्राष्ट्रिय तथा क्षेत्रीय मुद्दाहरूमा विचार आदानप्रदान गर्ने जनाइएको छ । त्यसैगरी नेपाली परराष्ट्रमन्त्री खड्काको यो पहिलो चीन भ्रमण हुनेछ ।

 

प्रतिक्रिया

सम्बन्धित खवर

ताजा समाचार

लोकप्रिय