अपडेट 
पोखरिया नगरपालिका-९ सेमबारी बैरियामा निशुल्क आखा सिविर सम्पन | गृहमन्त्री लामिछाने भन्छन्- सबै ‘फरार’ समातिन्छन्,धुलो धेरै छ, पुरानो छ तर,थोरै पर्खिनु पर्छ | सशस्त्रका ९७ एसपीको सरुवा , पर्सामा सुमन थपलिया र बारामा टोप बहादुर डाँगी आउदै । | सरकारी मोटरसाईकलको चरम दुरुपयोग, ससुराली जानदेखि भारतमा तरकारी किन्नसम्म | धोबिनी गाउँपालिका वडा नं ४ मा सामाजिक सुरक्षाभत्ता वितरण गराउदै,वडाअध्यक्ष- अबास मिया | धोबिनी गापाको स्वास्थ्य संस्थामा सिटामोल नरहेको कारण बिरामी रितो हाथ फर्कन बाध्य | पर्साको जिराभवानी र पटेर्वासुगौलीमा खिचडी महोत्सव | भारतीय समाजवादी नेता शरद यादवको निधन | शीतलहर प्रभावितलाई सशस्त्र प्रहरी परिवार महिला संघद्वारा कम्बल वितरण । | मधेश प्रदेश प्रहरी प्रमुखमा डिआईजी बसन्त बहादुर कुवर आउदै |
२०७९ आश्विन ७, शुक्रबार १०:२८ बजे

काभ्रे । गृहमन्त्री बालकृष्ण खाँणले काभ्रेपलाञ्चोकको पनौतीमा निर्माण हुने नेपाल प्रहरी प्रशिक्षण प्रतिष्ठानले नेपाल प्रहरीका अधिकृतको तालिमलाई अत्याधुनिक र गुणस्तरीय बनाउन महत्त्वपूर्ण भूमिका खेल्ने बताएका छन् । प्रतिष्ठानको भवन निर्माण अन्तर्गतको भूमि पूजन कार्यक्रममा बोल्दै गृहमन्त्री खाँणले यस्तो बताएका हुन् ।



प्रहरी कर्मचारीलाई सुरक्षा र आपराधिक कामको रोकथाम गर्न र नियन्त्रण गर्न नियमित र विशिष्टीकृत तालिम गर्न आवश्यक रहेको परिस्थितिमा एकेडेमीको योगदान रहने उनले बताए ।



गृहमन्त्री खाँणले करिब ८० हजार जनशक्ति रहेको नेपाल प्रहरीको फिल्डमा नेतृत्व र सङ्गठनको नेतृत्व गर्ने जनशक्ति उत्पादन गर्ने अत्याधुनिक उपकरण र सुविधासहितको विश्व स्तरीय तालिम केन्द्रको अभाव भएका बेला परियोजनाले पूरा गर्ने बताए ।

लामो समयदेखि एकेडेमीलाई परिष्कृत र आवश्यकताअनुसार नयाँ प्रविधि र साधन स्रोतयुक्त बनाउने प्रहरीको सपना साकार बनाउन एकेडेमीले सहयोग गर्ने उनको भनाई छ ।

गृहमन्त्री खाँणले प्रतिष्ठानको निर्माण परियोजनाको काम नेपाल प्रहरी र नेपालका लागि गौरवपूर्ण र ऐतिहासिक महत्त्वपूर्ण रहेको बताए । गृहमन्त्री खाँणले नेपाल र भारतबीचको सम्बन्ध सदिऔँदेखि निरन्तर सौहार्द, सुमधुर र मैत्रीपूर्ण बन्दै आएको बताए ।

नेपालका लागि भारतीय राजदूत नवीन श्रीवास्तवले भारत र नेपालबीच वर्षौँदेखि मित्रवत् सम्बन्ध रहेको बताउँदै भारतले नेपाल सरकारसँग मिलेर रेलको लिक बनाउने बताए ।

सुख्खा बन्दरगाह, अस्पताल, शैक्षिक संस्था निर्माणको काम पनि भइरहेको उनले जानकारी गराए । नेपाल प्रहरी प्रशिक्षण प्रतिष्ठानको पूर्वाधार निर्माणका साथै आगामी दिनमा तालिमका लागि भारतीय प्रहरी एकेडेमी र नेपाल प्रहरी एकेडेमीबीच थप सम्झौता हुनेमा आफू आशावादी रहेको उनले विश्वास व्यक्त गरे ।

प्रहरी महानिरीक्षक धिरजप्रताप सिंहले नेपाल प्रहरी प्रशिक्षण प्रतिष्ठान निर्माणले गर्ने २५ वर्षदेखिको सपना साकार हुन लागेको भन्दै खुसी व्यक्त गरे । परियोजनाको विस्तृत परियोजना रिपोर्ट अन्तिम चरणमा रहेको बताउँदै प्रतिष्ठान निर्माणको विषयमा आएका वातावरणीय समस्या समाधान उन्मुख रहेको बताए ।

भारतीय सरकारको अनुदान सहयोगमा निर्माण हुने प्रतिष्ठान निर्माणका लागि भारतका प्रधानमन्त्री नरेन्द्र मोदीको पहिलो नेपाल भ्रमणको क्रममा सन् २०१४ नोभेम्बर २५ मा प्रतिष्ठान निर्माणको सम्झौता भएको थियो ।

करिब ८४ एकड क्षेत्रफलमा एकेडेमीका लागि आवश्यक पर्ने भौतिक संरचनाहरु निर्माण हुने बताइएको छ । एकेडेमीको सम्पूर्ण संरचना तयार गर्न करिब दश अर्ब रुपियाँ लगानी हुनेछ ।

प्रतिक्रिया

सम्बन्धित खवर

ताजा समाचार

लोकप्रिय