२०७९ चैत्र ७, मंगलवार १३:११ बजे
विराटनगर। नेपाली राष्ट्रिय टोलीका क्रिकेटर ललित राजवंशी र दिपेश कँडेल सम्मानित भएका छन् ।
नेपाल खेलकुद महासंघ मोरङले सिनियर टोलीका खेलाडी राजवंशी र यु-१९ राष्ट्रिय टोलीका सदस्य कँडेललाई नगद २५ हजार रुपैयाँसहित सम्मान गरेको हो ।
महासंघका केन्द्रीय अध्यक्ष पर्शुराम बस्नेतले सम्मानपत्र प्रदान गरे । राजवंशी र कँडेल दुवै विराटनगर निवासी हुन् ।
राजवंशीले नेपाललाई विश्वकप छनोटमा पुर्याउन महत्त्वपूर्ण योगदान गरेका थिए ।
त्यस्तै, कँडेलले ह्याट्रिकसहित पाँच विकेट लिएपछि नेपाल ८ वर्षपछि यू–१९ विश्वकपमा प्रवेश गर्न सफल भएको छ ।
ललित र दिपेशलाई विराटनगर महानगरपालिका र कोशी प्रदेश सरकारले पनि सम्मान गर्ने निर्णय गरेको छ ।
