२०७९ चैत्र ८, बुधबार १०:५७ बजे
काठमाडौं । प्रधानमन्त्री थ्री नेसन्स कप विजेतालाई प्रधानमन्त्री पुष्पकमल दाहाल ‘प्रचण्ड’ले पुरस्कार वितरण गर्ने भएका छन् ।
बुधबार हुने प्रतियोगिताको समापन समारोहमा प्रधानमन्त्रीको उपस्थिति हुने पक्का भएको हो ।
राष्ट्रिय खेलकुद परिषद्का (राखेप) का सदस्य–सचिव टङ्कलाल घिसिङ, एन्फा अध्यक्ष पङ्कजविक्रम नेम्वाङ, वरिष्ठ उपाध्यक्ष वीरबहादुर खड्का र महासचिव किरण राईसहितको प्रतिनिधिमण्डल प्रधानमन्त्री निवास बालुवाटारमा समापन समारोहको निमन्त्रणा लिएर प्रधानमन्त्री निवास बालुवाटार पुगेको थियो ।
प्रधानमन्त्री दाहालले समापन समारोहमा सहभागी हुन र विजेताहरूलाई पुरस्कार र मेडल वितरण गर्न आउने बताएका हुन् ।
दशरथ रङ्गशालामा आज देखि सुरु हुने प्रधानमन्त्री थ्री नेसन्स कप प्रतियोगितामा नेपाल, भुटान र लाओसको सहभागिता रहेको छ ।
