२०७९ चैत्र ८, बुधबार २१:१० बजे
काठमाडौं । धनुषाको जनकपुरधाम उपमहानगरपालिका ११ का वडाध्यक्ष र वडा सचिव घुस रकमसहित पक्राउ परेका छन् ।
अख्तियार दुरुपयोग अनुसन्धान आयोग वर्दिवासको टोलीले वडाध्यक्ष अर्जुन चौधरी र वडा सचिव माधव राय ५० हजार घुस रकमसहित पक्राउ गरेको हो ।
उनीहरुले जग्गा दर्ता कायम गर्ने सर्जमिन मुचुल्काको रोहबरमा दस्तखत गर्न सेवाग्राहीसँग घुस मागेको अख्तियार प्रवक्ता भोला दाहालले जानकारी दिए ।
जनकपुरधाम उपमहानगरपालिका ६, रामजानकी हस्पिटल नजिकबाट सेवाग्राहीबाट घुस लिएलगत्तै उनीहरुलाई पक्राउ गरिएको उनले बताए । उनीहरुमाथि थप अनुसन्धान भइरहेको बताइएको छ ।
