२०७९ चैत्र १०, शुक्रबार ०८:५५ बजे
काठमाडौं । लोकतान्त्रिक समाजवादी पार्टी (लोसपा) नेपालले आगामी वैशाख १० गते हुने उपनिर्वाचनका लागि निर्वाचन आयोगमा आफ्नो दल दर्ता गराउने निर्णय गरेको छ ।
पार्टीको कार्यकारिणी समितिको बैठकले उपनिर्वाचनका लागि निर्वाचन आयोगमा दल दर्ता गराउने निर्णय गरेको हो ।
पार्टीका कार्यकारिणी समिति सदस्य केशव झालका अनुसार उपनिर्वाचनका लागि निर्वाचन आयोगमा दल दर्ता गराउने, बारा क्षेत्र नम्बर २ मा उम्मेदवारी दिने तथा २ मन्त्रालयसहित सम्मानजनक रूपमा सरकारमा सहभागी हुने निर्णय समेत गरिएको छ ।
उपनिर्वाचनका लागि निर्वाचन आयोगले दल दर्ताका लागि आह्वान गरिसकेको छ ।
