२०७९ चैत्र ११, शनिबार १९:३९ बजे
काठमाडौं । सत्तारुढ नेकपा (माओवादी केन्द्र) ले सोमबार सम्ममा मन्त्रीपरिषदलाई पूर्णता दिने निर्णय गरेको छ ।
पार्टी केन्द्रीय कार्यालयमा पेरिसडाँडामा शनिबार अपरान्ह बसेको पदाधिकारी बैठकले सो निर्णय गरेको हो ।
पर्सीसम्ममा मन्त्रिपरिषदलाई विस्तार गरी डेलिभरीका कामलाई तीव्रता दिने निर्णय पार्टी पदाधिकारी बैठकले गरेको सचिव देवेन्द्र पौडेलले जानकारी दिए ।
माओवादीले संसदलाई गतिशील र प्रभावकारी ढंगले अघि बढाउने विषयमा समेत छलफल गरेको छ ।
त्यसैगरी संघीय सरकारको नीति तथा कार्यक्रमसँग जोडेर प्रदेश सरकारलाई पनि गतिशील बनाउनुपर्नेमा नेताले जोड दिएको सचिव पौडेलले बताए ।
