२०७९ चैत्र १३, सोमबार १५:११ बजे
काठमाडौं । उपप्रधानमन्त्री एवं भौतिक पूर्वाधार तथा यातायातमन्त्री नारायणकाजी श्रेष्ठले सवारी चालक अनुमतिपत्र (लाइसेन्स) कम्तीमा ३ दिनदेखि ७ दिनभित्र दिने व्यवस्था गर्न लागिएको बताएका छन् ।
सोमबार मन्त्रालयमा आयोजित पत्रकार सम्मेलनमा उनले यस्तो बताएका हुन् ।
मन्त्री श्रेष्ठका अनुसार अहिले दैनिक छ देखि सात हजारसम्म लाइसेन्स छाप्नुपर्ने भएपनि दैनिक चार हजारमात्रै लाइसेन्स छपाईको काम भइरहेको उनले बताए ।
अहिले ट्रायल परीक्षा उत्तीर्ण गरेको एक वर्ष पुग्दा पनि लाइसेन्स नपाएपछि यातायात कार्यालयले दिएको भौचरले काम चलाउनुपर्ने अवस्था छ ।
