२०८० कार्तिक १६, बिहीबार १३:१७ बजे
सरकारले सहसचिवद्वय राधिका अर्याल र विश्वबाबु पुडासैनीलाई सचिवमा बढुवा गरेको छ । बिहान सिंहदरबारमा बसेको मन्त्रिपरिषद्को बैठकले प्राविधिकतर्फ विश्वबाबु पुडासैनी र प्रशासनतर्फ सहसचिव राधिका अर्याललाई बढूवा गर्न निर्णय गरेको हो ।निजामती सेवाका सचिवहरु डा. दामोदर रेग्मी र अर्जुनजंग थापा उमेरहदका कारण अनिवार्य अवकाशमा गएपछि अर्याल र पुडासैनी सचिव बनेका हुन् ।अर्याल सहसचिव भएको दश बर्षभन्दा बढी समयसम्म एसइडिपी (सिनियर एक्जुकेटिभ डेभलप प्रोग्राम) तालिममा नलिएका कारण सहसचिवमै खुम्चिएर बसिरहेकी थिइन ।
सचिव बढुवा सिफारिस समितिले प्रशासनतर्फ रिक्त एक सचिव पदमा बढूवाका लागि सहसचिवत्रय राधिका अर्याल, चूडामणि पौडेल र डा हरिप्रसाद लम्सालको नाम सिफारिस गरेको थियो ।प्रशासनतर्फबाट सचिव बनेकी अर्याल हाल लुम्बिनीको मुख्यमन्त्री तथा मन्त्रिपरिषद्को कार्यालयकी कामु प्रमुख सचिव छिन् ।
१२ दिनका लागि सचिव बनेका अर्जुनजंग थापा उमेर हद लागेर घर गएसँगै रिक्त हुने पुगेको प्राविधिकतर्फका सचिवका लागि विश्वबाबु पुडासैनी एकल सिफारिस भएका थिए । वरिष्ठताका आधारमा चार पटक सिफरिसमा परे पनि सचिवमा बढुवा नभएका पुडासैनीको नाम पाँचौं पटक भने एकल रुपमा सिफरिस भएको थियो ।
प्रतिक्रिया
सम्बन्धित खवर
