सिरहा । सिरहामा एक महिलालाई बोक्सीको आारेपमा निर्घात कुटपिट गरी उनको श्रीमानको हातको हड्डी भाँचिदिएको छ ।
सिरहाको बिष्णुपुर नगरपालिका वडा नम्बर ४ बेल्हामा शनिबार राती स्थानीय कुमैर पासवानलाई बोक्सी भन्दै कुटपिट गरेका छ्न । कुमैर देबि पासवानलाई अगहनिया देबि पासवानले बोक्सीको आरोप लगाउदै स परिवार मिलेर कुटपिट गर्दा उनको श्रीमानको हातको हड्डी भाँचिएको हो ।
अगहनियाका छोरा दिपेश पासवान र श्रीमान लालु पासवानले पीडित रामनाथ पासवान लगायत उनको परिवारलाई घर पसि कुटपिट गरेको बयान अस्पतालमा कुमैरले दिएकी हुन् ।
रातिको अन्दाजी रातिको ८ः३० बजेको समयमा लालु पासवान र उनका छोरा दिपेश पासवानले रामनाथ पासवान र उनको परिवारलाई कुटपिट गरेको हो । कुटपिट गर्ने क्रममा घाइते रामनाथ पासवानलाई हातको हड्डी भाँचिदिएको छ ।
घाइते रामनाथ पासवानको उपचार अहिले जिल्ला अस्पताल सिरहामा भैरहेको छ । जिल्ला अस्पतालमा कार्यरत चिकित्सकका अनुसार स्टील लगाउने पर्ने बताएका हुन ।
“हामी गरिब छौँ , तरकारी बेचेर जिबिका चलाउछौँ, कसरी उपचार गर्ने , हामिलाई पटकपटक कुटपिट गर्छन् प्रहरी पनि उनिहरु कै साथ र सहयोग गर्ने गरेको छ ।”– पीडित कुमैर देवीले बताईन् ।
