अपडेट 
आफ्नै काकीलाई लिएर भतिजो फरार, काका बेहाल ! | बाराका डिएसपी न्यौपानेको कार्वाही स्वरुप काज सरुवा | तस्करीका ‘बादशाह’ किशोर र मुना जैसवालको धनुषाबाट तस्करी ! | भ्रष्टाचारको आरोप : छिपहरमाईका अध्यक्ष गुप्ताको विकास बजेटमा अख्तियारको चासो, फर्जी काम गरि भुक्तानी गरिएको ठेक्कामाथि गहन छानविन | महालक्ष्मी बिकास बैंक वीरगंजमा कारोबार गर्दै हुनुहुन्छ भने सावधान ! तपाईकै पैसा नपाउन पनि सक्छ... | इन्स्पेक्टरको संरक्षणमा प्रसौनीभाठ्ठाबाट खुलेआम तस्करी | एमाले अध्यक्ष ओली प्रधानमन्त्री नियुक्त, शपथग्रहण सोमबार | लोसपाबाट मन्त्री छान्ने जिम्मा अध्यक्ष महन्थ ठाकुरलाई | सीमलताल दुर्घटना : नारायणीमा मृत भेटिएका साह गणपति डिलक्सको यात्रु भएको पुष्टि | बेहुली भित्र्याएको भोलिपल्टै बेहुलाको मृत्यु |
२०८० मंसिर ४, सोमबार ०९:५० बजे

वीरगंज । पुलदेखि विभिन्न ठेक्का लिएर समयमा काम नसक्ने र गुणस्तरहीन निर्माण गरेपछि कारबाहीमा परेको पप्पु कन्ष्ट्रक्सनका संचालक हरिनारायण रौनियार एमालेमा प्रवेश गर्ने भएका छन् । उनलाई एमालेका अध्यक्ष केपी शर्मा ओलीले मंगलबार पर्साको पोखरियामा आएर अबिरजात्रा गरी पार्टीमा भित्र्याउन लागेका छन् ।

ठगीकाण्डदेखि ठेक्कामा घोटाला गर्ने पूर्वसांसद रौनियारलाई एमालेले रातो कार्पेट बिछ्याएर स्वागत गर्ने भएको छ । विगतमा दुर्गा प्रसाईलाई पार्टीमा भित्र्याएर केन्द्रीय सदस्य बनाएर पुल्पुल्याएको परिणाम भोगिरहेका एमाले अध्यक्ष ओलीले अर्का त्यस्तै विवादित रौनियारलाई पार्टीमा ल्याउन लागेका छन् ।

डा. भीमबहादुर रावल, नरेश खरेल, घनश्याम भूसालहरुलाई लखेटेर एमालेले एकनाथ ढकाल, हरिनारायण रौनियार, कोमल ओली, मोति दुगड, दुर्गा प्रसाईलाई पार्टीको नेतृत्वमा बिराजमान गराएकोमा पार्टीभित्रै पनि असन्तुष्टि ब्याप्त छ । तर खुलेर ओलीको बिरुद्ध बोल्ने हिम्मत भने कसैले गर्न सकेका छैनन् ।

रौनियारलाई प्रवेश गराउन पर्साको पोखरीयामा बुधबार एमालेले बृहत् कार्यक्रम गर्ने भएको छ ।

केही दिनअगाडि रौनियार काठमाडौं पुगेर अध्यक्ष ओलीलाई भेटेर फर्किएका थिए । उक्त भेटमा रौनियारले पर्सामै कार्यक्रम गरेर पार्टी प्रवेश गर्ने कुरा राखेपछि ओली नै आउन लागेका हुन् । रौनियार ०७४ मा रौनियार पर्सा क्षेत्र नम्वर ३ बाट प्रतिनिधि सदस्यमा निर्वाचित भएका थिए ।

उपेन्द्र यादवको तत्कालीन संघीय समाजवादी पार्टीबाट पूर्व सांसदसमेत रहेका रौनियारको पप्पु कन्स्ट्रक्सन २०८० साउनमा कालोसूचीमा परेको छ । सार्वजनिक खरिद अनुगमन कार्यालयले पप्पु कन्ष्ट्रक्सन सहित २४ निर्माण कम्पनीलाई कालोसूचीमा राखेको थियो ।

६ बर्षअघि पप्पु कन्ष्ट्रक्सनले ठेक्का लिएको बर्दियाको सदरमुकाम गुलरिया र बारबर्दिया जोड्ने जब्दी पुल निर्माण नसकिंदै भासिएको थियो । गुणस्तरहीन निर्माण सामग्री प्रयोग गरिएका कारण जब्दी पुल निर्माण पूरा नहुँदै भासिएको थियो । जुन पुल अहिलेसम्म पनि पुननिर्माण हुन सकेको छैन ।

२०७४ साउन २८ गते बबई नदीमा आएको बाढीका कारण १६ करोड ६८ लाख रुपियाँ लगानीमा बनेको ४२५ मिटर लम्बाईको उक्त पुलका तीनवटा स्पान भासिएका थिए ।

पप्पु कन्स्ट्रक्सनका सञ्चालक रौनियारलाई बाँकेमा दर्ता भएको ठगीसम्बन्धी उजुरीमा २०८० असार १५ गते प्रहरी बृत्त बानेश्वरले पक्राउ गरेको थिया ।

बाँके प्रहरीले रौनियारलाई पक्राउ गरिदिन पत्राचार गरेपछि बानेश्वर वृत्तको टोलीले पक्राउ गरेको थियो ।

ठेक्का लिने तर समयमा काम सम्पन्न नगर्ने पप्पु कन्ष्ट्रक्सनको नाम अग्रपंक्तिमा छ ।

पप्पुले ठेक्का लिएका मध्यपहाडी लोकमार्ग अन्तर्गतका २ पुल, मदन भण्डारी राजमार्गको कमला पुल, हुलाकी राजमार्ग अन्तर्गतका निर्माणको क्रममा रहेको ६ वटा पुलमध्ये पप्पु कन्ष्ट्रक्सनले जिम्मा लिएका ३ वटा पुल ८ वर्ष बित्दासमेत निर्माण पुरा हुन सकेको छैन ।

प्रतिक्रिया

सम्बन्धित खवर

ताजा समाचार

लोकप्रिय