२०७८ श्रावण १५, शुक्रबार १२:५२ बजे
काठमाडौं । नेपाली जनता दलका केन्द्रीय सदस्य राम बाबु रजकले अब आउने निर्वाचनमा सप्तरीबाट आफुले जित हासिल गर्ने बताएका छन् । अहिले नेपाली जनता दलप्रति सप्तरीका स्थानीय जनताले बिश्वासका साथ सहयोग गर्न थालेकाले अब आउने चुनावमा स्थानीय तह देखि प्रतिनिधि सभा सदस्य सम्म आफ्नो पार्टीले जित हासिल गरेर छाड्ने उनले बताए।ठुला दलले गरिब पिछडिएका जनताको बारेमा कुनै काम नगरेको आरोप लगाउदै नेता रजकले नेपाली जनता दलले थोरै भए पनि जनताको हितमा काम गरिराखेको बताए। अहिले पनि गरिब जनतालाई शुद्ध खानेपानीको लागि १ हजार ट्युबवेल बितरण गरिएको समेत उनले बताए। अहिले पनि सप्तरीका धेरै स्थानका स्थानीय स्वस्थ्य,शिक्षा ,खानेपानी ,सडक बाट बन्चित रहेको भन्दै नेपाली जनता दलले चुनावमा जित हासिल गरे बिशेष गरेर गरिब जनतालाई शिक्षा, स्वस्थ्य , खानेपानी सडकको पहुँचमा ल्याइने पनि उनले बताए।अहिले ७७ ओटै जिल्लामा सङ्गठन बिस्तार भइसकेको त्यस्तै भ्रष्टाचार बिरुद्ध आफ्नो दलले अभियान चलाउने उनले बताए।
