बारा, चैत्र १५ – सशस्त्र प्रहरी बल नेपाल, राजस्व प्रहरी इकाई पथलैया बाराले लागू औषध अफिम जस्तो पदार्थसहित दुईजनालाई नियन्त्रणमा लिएको छ।
शुक्रबार दिउँसो करिब ३:०० बजे जिल्ला बारा, जीतपुर सिमरा उप-महानगरपालिका वडा नम्बर १ स्थित एक कार जाँचका क्रममा ८ किलो २५२ ग्राम लागू औषध अफिम जस्तो पदार्थ बरामद गरिएको सशस्त्र प्रहरी बल टोलीले जनाएको छ। बा प्र -०१-०२९ च ५४१४ नम्बरको कार रोकी चेकजाँच गर्दा लुकाई छिपाई लैजाँदै गरेको अवस्थामा उक्त लागू औषध फेला परेको हो।
पक्राउ पर्नेहरूमा मकवानपुर, हेटौंडा उप-महानगरपालिका वडा नम्बर १२ का ४४ वर्षीय मिलन भोलान र ४७ वर्षीय गोपाल प्रसाद गौतम रहेका छन्। पक्राउ परेका व्यक्तिहरूलाई आवश्यक कानूनी प्रक्रिया पूरा गरी जिल्ला प्रहरी कार्यालय, बारामा बुझाइएको छ।
यस घटनासँग सम्बन्धित थप अनुसन्धान भइरहेको प्रहरीले जनाएको छ।
प्रतिक्रिया!
