काठमाडौं नेपाली कांग्रेसका महामन्त्री गगन थापाले प्रधानमन्त्री पुष्पकमल दाहाल ‘प्रचण्ड’ले विश्वासको मत लिएलगत्तै सरकारले पूर्णता पाउने बताएका छन् ।
शुक्रबार उपराष्ट्रपति निर्वाचनमा मतदानपछि बोल्दै महामन्त्री थापाले यस्तो बताएका हुन् ।
उनले संसद्को आगामी बैठकअघि नै कांग्रेस सत्तापक्षमा बस्नुपर्ने बताए । महामन्त्री थापाले प्रधानमन्त्री प्रचण्डले विश्वासको मत लिनुअघि नै सत्तापक्षमा जाने नजाने कुरा निर्णय गर्नुपर्ने बताए।
थापाले ५ गतेको संसद् बैठक बस्नुभन्दा पहिले कांग्रेसले बैठक बसेर विश्वासको मत पनि दिने र सरकारमा पनि सहभागी हुने भन्ने निर्णय गर्नु सुल्टो बाटो हुने बताए ।
संसद् बैठकअघि नै कांग्रेसले सत्ता पक्षमा बस्ने, सरकारमा जाने र प्रधानमन्त्रीलाई विश्वासको मत दिने निर्णय गर्नुपर्ने महामन्त्री थापाको भनाइ छ ।
प्रतिक्रिया!
