काठमाडौं । नेकपा एमालेका सचिव योगेश भट्टराईले प्रतिनिधि सभा सदस्यको हैसियतमा प्राप्त सबै सामग्री फिर्ता गरेका छन् ।
प्रतिनिधि सभाको कार्यकाल सकिएपछि उनले आइतवार आफूले सांसदको हैसियतमा प्राप्त गरेको सबै सामग्री फिर्ता गरेका हुन् ।
उनी २०७४ सालमा प्रतिनिधिसभाको निर्वाचनमा ताप्लेजुङ जिल्लाबाट २९ हजार ४७९ मत प्राप्त गरी विजयी भएका थिए ।
उनले सांसदको हैसियतमा पाएको रातो पासपोर्ट समेत फिर्ता गरेको उनको सचिवालयले जनाएको छ ।
भट्टराई यस अवधिमा भएको जम्मा ३१८ बैठकमध्ये २६५ वटामा उपस्थित भएको उनको सचिवालयले जनाएको छ ।
प्रतिक्रिया!
