काठमाडौं । राष्ट्रिय स्वतन्त्र पार्टीले प्रतिनिधिसभाको समानुपातिकतर्फको उम्मेदवार छनोट गरेको छ ।
पार्टीले समानुपातिक निर्वाचन प्रणालीतर्फका उम्मेदवारहरु ‘खुला प्रारम्भिक निर्वाचन’बाट छनौट गरेको हो ।
हाल प्रचलनमा रहेको मोबाइल एपबाट अनलाइन गरिने भोटिङलाई प्रारम्भिक निर्वाचनको लागि साधनका रुपमा प्रयोग गरिएको स्वतन्त्र पार्टीका प्रवक्ता तथा महामन्त्री मुकुल ढकालले जानकारी दिए ।
‘खुला प्रारम्भिक निर्वाचन’ प्रक्रियाबाट खस आर्य खुला, खस आर्य महिला, आदिवासी महिला, आदिवासी खुला, थारु खुला, थारु महिला, मुस्लिम खुला, मुस्लिम महिला, मधेसी महिला, मधेसी खुला, दलित महिला, दलित खुला र पिछडिएको क्षेत्रका उम्मेदवार छानिएको पार्टीले जानकारी दिएको छ ।
खुला प्रारम्भिक निर्वाचनमा ३९ हजार १३ जनाले मतदान गरेको बताइएको छ ।
प्रतिक्रिया!
