काठमाडौं । उपराष्ट्रपतिको निर्वाचनअन्तर्गत बिहान १२ बजेसम्मको मतदानमा ६ सय १० मत खसेको छ।
संघीय संसद नयाँ बानेश्वरमा बिहान १० बजेदेखि सुरू भएको मतदानमा सङ्घतर्फ २१८ र प्रदेशतर्फ ३९२ मत खसेको हो।
निर्वाचनमा नेकपा एमालेका अष्टलक्ष्मी शाक्य, जनमत पार्टीका ममता झा र जनता समाजवादी पार्टीका रामसहायप्रसाद यादव उम्मेदवार छन् ।
अपराह्न ३ बजेसम्म मतदानको समय तोकिएको छ । सङ्घीय संसद्का सदस्य र प्रदेशसभा सदस्यका लागि बेग्लाबेग्लै मतदान केन्द्र तय गरिएको छ ।
निर्वाचनमा सङ्घीय संसद्का तीन सय ३२ र प्रदेशसभाका पाँच सय ५० सांसद मतदाता छन् ।
मतदान सम्पन्न भएलगत्तै मतगणना सुरु हुने र आजै साँझ ६ बजेसम्म मतपरिणाम सार्वजनिक गरिने बताइएको छ ।
प्रतिक्रिया!
