झापा । पानीमा डुबेर झापामा एक बालकको मृत्यु भएको छ ।
मृत्यु हुनेमा झापा गाउँपालिका-३ निवासी देवान टुडुका १४ वर्षीय छोरा विजय टुडु रहेको प्रहरी कार्यालय झापाले जनाएको छ ।
प्रहरीका अनुसार कामाटोली बजारबाट आइतबार बिहानदेखि हराएका बालक विजय सोमबार बिहान ७ : ४० बजे झापा-३ स्थित गैरीगाउँ झाटी खाडीमा डुबेको अवस्थामा मृत फेला परेको हो ।
मृतक बालक विजय बोल्न नसक्ने र सुस्त मनस्थितीका थिए ।
प्रहरीले शवको कानुनी प्रक्रिया पूरा गरी पोस्टमार्टमका लागि अस्पताल पठाएको छ ।
प्रतिक्रिया!
