एजेन्सी । भारतको बिहार विधानसभामा भारतीय जनता पार्टी (बीजेपी) र राष्ट्रिय जनता दल (आरजेडी)का सांसदबिच कुटाकुट भएको छ ।
मंगलबारको विधानसभा बैठकमा माइक तोडेपछि बीजेपी सांसद लखेन्द्र पासवान दुई दिनका लागि निलम्बनमा परेका थिए । निलम्बनलाई ‘लोकतन्त्रको हत्या’ भन्दै बीजेपी सांसद विधान सभा भवनमा विरोध प्रदर्शनमा थिए ।
त्यही बेला आरजेडीका सांसद केशरी यादव लड्डु लिएर त्यहाँ पुगेका थिए । लड्डु बाँड्दै आरजेडीका सांसद आएको देखेपछि बीजेपीका सांसद आक्रामक बनेका थिए ।
बीजेपीका सांसदले लड्डुको किस्ती नै फ्याँकिदिएका थिए । त्यसपछि त्यहाँ धक्कामुक्की र हात हालाहाल भएको थियो ।
आफ्ना नेता लालुप्रसाद यादव, राबडीदेवी र उनकी छोरी मीसा भारतीलाई भ्रष्टाचार सम्बन्धी मुद्दामा दिल्लीको एउटा अदालतले जमानत दिएको खुसीयालीमा आरजेडी सांसदले लड्डु बाँडेका थिए ।
प्रतिक्रिया!
