काठमाडौं । कैलालीको धनगढीमा अनशनरत डा. गोविन्द केसी उपचारका लागि काठमाडौं जाने तयारीमा रहेको बताइएको छ ।
सरकारले मंगलबार डा. केसीलाई नेपाली सेनाको स्काई ट्रकमार्फत काठमाडौं लैजाने भनिए पनि उनले अस्वीकार गरेका थिए ।
सिनियर डाक्टरहरूले उनलाई आज सम्झाइ बुझाइ गरेपछि काठमाडौं जाने मनस्थितिमा रहेको उनको उपचारमा संलग्न एक चिकित्सकले बताए ।
चिकित्सकको अनुसार डा. केसीलाई उपचारका लागि काठमाडौंको महाराजगन्जस्थित त्रिवि शिक्षण अस्पतालमा लगिनेछ ।
चिकित्सा क्षेत्रको सुधारसहित सातबुँदे माग राखेर उनी २०औं पटक १० दिनदेखि धनगढीमा आमरण अनशनमा बसेका छन् ।
प्रतिक्रिया!
