काठमाडौं । राष्ट्रपति विद्यादेवी भण्डारीले संसद्बाट पारित भएको नागरिकता विधेयक दोस्रोपटक पनि प्रमाणीकरण नगरेपछि प्रधानमन्त्री निवास बालुवाटारमा छलफल चलिरहेको छ ।
प्रधानमन्त्रीको सरकारी निवास बालुवाटारमा छलफल जारी रहेको प्रधानमन्त्री देउवाका प्रेस संयोजक गोविन्द परियारले जानकारी दिए ।
दुई–दुईपटक संसद्बाट पारित भएर प्रमाणीकरणका लागि पेस भएको विधेयक राष्ट्रपतिले प्रमाणीकरण नगरेपछि त्यसपछिको विकल्पका बारेमा गठबन्धनका नेताहरुले कानुनका जानकारहरुसँग परामर्श थालेका हुन् ।
छलफलमा महान्यायधीवक्ता, पूर्व महान्यायधिवक्ता, बार अध्यक्ष तथा संविधानविद्हरू गरेर २० जना भन्दा बढी छन् ।
प्रधानमन्त्री देउवाले कानुनविद्हरूको राय लिएर आगामी कदम चाल्ने स्रोतको भनाइ छ ।
प्रतिक्रिया!
