काठमाडौं । राष्ट्रिय प्रजातन्त पार्टीनिकट किसान संगठनले काठमाडौंमा सरकारविरुद्ध प्रदर्शन गरेको छ ।
सरकारले रासायनिक मलमा दिँदै आएको अनुदानमा भारी मूल्यमा कटौती गर्ने निर्णयप्रति संगठनले आज काठमाडौंको माइतीघरमा प्रदर्शन गरेको हो ।
यही फागुन २६ गतेको कृषि तथा पशुपन्छी मन्त्रालयको विभागीय मन्त्रीस्तरको बैठकले रासायनिक मलमा दिँदै आएको अनुदान कटौती गर्ने निर्णय गरेपछि उनीहरू विरोधमा उत्रिएका हुन् ।
प्रदर्शनकारीहरूले सरकारविरोधी नारा लगाउनुका साथै तत्काल निर्णय फिर्ता लिई समयमै किसानलाई मल बीउ उपलब्ध गराउन सरकारलाई आग्रह गरेका छन् ।
प्रतिक्रिया!
