काठमाडौं । त्रिचन्द्र क्याम्पसमा आगामी चैत ९ गते स्ववियु निर्वाचन हुने भएको छ ।
त्रिचन्द्र बहुमुखी क्याम्पस निर्वाचन समितिले चैत ९ गते निर्वाचन गर्नेगरी निर्वाचन कार्यतालिका सार्वजनिक गरेको हो ।
बिद्यार्थी भर्नालाई लिएर भएको विवादका कारण निर्वाचन तालिका प्रभावित भएको थियो ।
जसअनुसार आज बिहीबार मतदाता नामावली प्रकाशन गर्ने, चैत ३ गते मतदाता नामावली उपर दाबी विरोधको छानबिन गरी अन्तिम नामावली प्रकाशन गर्ने, ४ गते मनोनयन पत्र वितरण गर्ने र सोही दिन उम्मेदवारी दर्ता कार्यतालिका रहेको छ ।
यसै प्रक्रिया पुरा भएपछि चैत ९ गते बिहान ८ देखि अपराह्न ४ बजेसम्म मतदान हुने निर्वाचन समितिले जनाएको छ । यसअघि त्रिचन्द्र क्याम्पसमा विद्यार्थीहरुबीच आपसी विवादका कारण उम्मेदवारी दर्ता हुन सकेको थिएन ।
प्रतिक्रिया!
