काठमाडौं । प्रधानमन्त्री पुष्पकमल दाहाल ‘प्रचण्ड’ले विश्वकप छनोटमा पुग्न सफल नेपाली टिमलाई बधाई दिएका छन् ।
नेपाली क्रिकेट टीमलाई हौसला प्रदान गर्न त्रिवि क्रिकेट मैदान पुगेका उनले सामाजिक सञ्जालबाट नेपाली खेलाडी, प्रशिक्षक, क्यानलगायतलाई बधाई दिएका हुन् ।
उनले भनेका छन्, ‘आईसीसी क्रिकेट विश्वकप लिग(२ मा युएईलाई हराउँदै नेपाल विश्वकप छनोटमा पुग्न सफल भएकोमा हार्दिक खुसी व्यक्त गर्दछु। लिगका खेलहरूमा उच्च कौशलता प्रदर्शन गर्दै नेपालको स्वाभिमान र गौरव उचो राख्न सफल भएकोमा उच्च प्रशंसासहित नेपाली क्रिकेट टिम, प्रशिक्षक, क्यानलगायत हामी सबैलाई बधाई !’
आज युएईलाई पराजित गर्दै शीर्ष ३ मा पुगेर नेपाल जिम्वावेमा हुने विश्वकप छनोटमा पुगेको हो । डकवर्थ लुइस मेथडको आधारमा नेपाल विजयी भएको हो । युएईले नेपाललाई ३११ रनको लक्ष्य दिएको थियो। तर, भिजिबिलिटी कम भएपछि एम्पायरले नेपाललाई डिएलएसका आधारमा विजयी घोषित गरेका हुन् ।
