पोखरा । वरिष्ठ कलाकार दुर्गा बराल ‘वात्स्यायन’लाई पोखरामा रथारोहणसहित नागरिक अभिनन्दन गरिएको छ ।
पोखरेली युवा सांस्कृतिक परिवारले ८० वर्ष पूरा भएको अवसरमा बराललाई रथारोहण र नागरिक अभिनन्दन गरेको हो ।
नदीपुरस्थित बराल निवासबाट बिहान साढे १० बजे सुरु भएको रथारोहणमा सयौं कलाप्रेमी र सर्वसाधारण सहभागी थिए ।
नदीपुर, बगर, पीएन क्याम्पस गेट, ट्याक्सीचोक हुँदै विन्ध्यबासिनी मन्दिरसम्म उनको रथारोहण भएको थियो ।
समारोहमा पोखरा महानगरसहित विभिन्न संघसंस्थाले सम्मानपत्रले सम्मान गरे ।
प्रतिक्रिया!
