काठमाडौं । प्रधानमन्त्री पुष्पकमल दाहाल ‘प्रचण्ड’ले नेपाल प्रहरीका ५ जना प्रहरी अतिरिक्त महानिरीक्षक (एआईजी) हरूलाई बधाई दिएका छन् ।
डीआईजीबाट एआईजीमा पदोन्नति भएका प्रहरी अधिकारीहरुलाई आईजीपी धिरजप्रताप सिंहले दर्ज्यानी चिन्ह प्रदान गरेपछि प्रधानमन्त्री प्रचण्डले बधाई दिएका हुन् ।
दुई दिनअघि सरकारले डीआईजीहरू वसन्तबहादुर कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्यलाई एआईजीमा बढुवा गरेको थियो ।
गृहसचिवको अध्यक्षतामा बसेको बढुवा समितिले २६ फागुनमा उनीहरूलाई एआईजीमा बढुवा सिफारिस गरेको थियो । सिफारिसमा परेका पाँचै जनालाई मन्त्रिपरिषद् बैठकले एआईजीमा बढुवा गरेको थियो ।
प्रतिक्रिया!
