२०८० जेष्ठ २६, शुक्रबार १२:४८ बजे
काठमाडौं । नेकपा एमालेले सातै प्रदेशमा नेताहरुको जिम्मेवारी हेरफेर गरेको छ । केन्द्रीय सचिवालयको शुक्रबार बसेको बैठकले बागमती प्रदेशबाहेक ६ वटा प्रदेशमा पार्टी सचिवहरुलाई प्रदेश इन्चार्जको जिम्मेवारी तोकेको हो ।
योगेश भट्राईलाई मधेश प्रदेश र रघुविर महासेठलाई कोशी प्रदेशको जिम्मेवारी तोकेको छ । त्यसैगरी लुम्बिनीमा पद्मा अर्याल, कर्णालीमा लेखराज भट्ट र सुदूरपश्चिम इन्चार्जको जिम्मेवारी छविलाल विश्वकर्मालाई तोकेको छ ।
गण्डकी प्रदेशको इन्चार्ज गोकर्ण विष्टलाई तोकिएको छ भने वाग्मती प्रदेशको इन्चार्ज तोकिन बाँकी छ । सचिव योगेश भट्टराईका अनुसार वाग्मती इन्चार्ज सविचालय बैठकले निर्धारण गर्ने छ ।
त्यसैगरी एमालेले विभाग प्रमुखमा राजेन्द्र गौतमलाई बनाएको छ । यसअघि विभागीय प्रमुख पृथ्वीसुब्बा गुरुङलाई संसदीय विभाग प्रमुखको जिम्मेवारी तोकिएको छ ।
पार्टी सचिवहरुलाई प्रदेशको इन्चार्ज तोकेको एमालेले स्थायी कमिटी, पोलिटब्युरो र अपुग भएको स्थानमा सांगठनिक अनुभव भएका कन्द्रीय सदस्यहरुलाई जिल्लाको इन्चार्ज तोकिएको जारी अन्तरपार्टी निर्देशन (अपानी)मा उल्लेख छ ।
