न्यूज डेस्क

२०८१ बैशाख ८, शनिबार ११:२७ बजे

वीरगंज – ०८ वैशाख । छिपहरमाई -१ मिर्जापुर राधे कृष्ण मन्दिरको प्रांगणमा शुरू हुने  श्री श्री १०८ श्री लक्ष्मी नारायण महायज्ञको अवसरमा शनिवार जलयात्रा सम्पन्न भएको छ ।

महायज्ञस्थलबाट निस्केको जलयात्रा मिर्जापुर हुँदै बार्वा भएर जयमंगलापुरमा रहेको ओरिया खोला उतरबाहिनीमा जल भरेर फर्केको थियो । बाजागाजासहित निकालिएको जलयात्रामा ११ सय कुवारी कन्याहरुको सहभागिता रहेको थियो ।

वैशाख ०८ गते देखि १६ गतेसम्म चल्ने महायज्ञमा पर्सा  र छिमेकी भारतको बिहार राज्यबाट हजारौं हजार श्रद्धालु आउने विश्वास गरिएको छ ।

जलयात्रामा गाउँपालिकाका अधिकृत अशोक रौनियार, नेपाली कांग्रेस पर्साका सहसचिव नविन सिंह, वडा अध्यक्ष महेन्द्र साह कलवार, दिपेन्द्र सिंह,  पुर्व वडा अध्यक्ष राजबली यादव, बलिष्टर, एकबाली यादव, रामबाबु यादव,रामपुकार यादव,  चन्द्रजित महतो, सशस्त्र प्रहरी, प्रहरी चौकी मिर्जापुरका प्रहरी निरीक्षक मुकेश यादव लगायत हजारौं हजारको संख्यामा श्रद्धालुजनको सहभागिता थियो ।

महायज्ञमा ब्यास नथुनी दास, नागेन्द्र प्रदेशी, मुन्नीलाल प्रदेशी, पपु मिश्रा, अनिल वर्मा, अवध विहारी शुकुल, रामप्रवेश यादव, श्यामलाल यादव एवं विनय बिहारी लगायतका गायक गाईका पुर्णहुति का दिन इलेक्ट्रीक मूर्ती १५ मिनट खेल तमाशा  टॉवर झुला, ब्रेक डांस रेलगाड़ी, बालखेल तमाशासँगै प्रमोदलाल यादवका रासलिला र अन्य मनोरञ्जनको व्यवस्थापन मिलाइएको वडाध्यक्ष एवं महायज्ञ व्यवस्थापन समितिका अध्यक्ष कमेश्वर प्रसाद यादवले बताए ।

मिर्जापुर निवासी  इन्द्राशन बाबाको विशेष संयोजनमा श्री श्री १०८ श्री लक्ष्मी नारायण महायज्ञ आयोजन गरिएको हो ।