काठमाडौं । सरकारले नेपाली कांग्रेसका नेता तथा सांसद चन्द्र भण्डारीको सम्पूर्ण उपचार खर्च व्यहोर्ने निर्णय गरेको छ ।
गत फागुन ११ गते बसेको मन्त्रिपरिषद् बैठकले नेता भण्डारीको उपचारको सम्पूर्ण खर्च व्यहोर्ने निर्णय गरेको हो ।
सरकारले भण्डारीको उपचारका लागि ५५ लाख ८८ हजार एक सय ६४ रुपैयाँ दिने निर्णय गरेको छ। ग्यास लिक भएर आगो लाग्दा घाइते भएका नेता भण्डारीको भारतमा उपचार भइरहेको छ ।
यसैगरी १० वर्ष अघिका उपराष्ट्रपति परमानन्द झाका सवारी चालकलाई पारिश्रमिक भुक्तानीस्वरुप सरकारले २ लाख ७६ हजार दिएको छ ।
मन्त्रालयले आफ्नो वेभसाईटमार्फत भुक्तानी विवरण सार्वजनिक गरेको हो।
प्रतिक्रिया!
